Давлат солиқ қўмитаси (ДСҚ) Ўзбекистонда «нақдлаштирувчи корхоналар» билан курашишни бошлагани ҳақида хабар берилган эди.
Хатарларни таҳлил қилиш натижасида аниқланган 396 та корхонадан иборат шубҳали контрагентлар реестри тузилган, шунингдек, солиқларни камроқ тўлаш мақсадида пул маблағларини нақдлаштириш билан шуғулланувчи «нақдлаштирувчи корхоналар» хизматларидан фойдаланган 10 мингга яқин ташкилот рўйхати шакллантирилди.
Давлат бюджетга тўланмаган қўшилган қиймат солиғи суммаси ўрнини қоплаш мақсадида ушбу 396 та «шубҳали» корхона ва уларнинг деярли 10 мингга яқин бизнес ҳамкорининг шахсий кабинетларига инкассо топшириқномалари қўйилиши бўйича хабарномалар юборилган.
Куни кеча қўмита солиқ тўловчилар учун 18 февралдан бошлаб қўмитада ҳам, барча солиқ идораларида ҳам фаолият кўрсатувчи ишчи гуруҳларини тузди. «Нақдлаштирувчи корхоналар» билан молиявий операцияларни амалга оширган тадбиркорлар камерал текширув ўтказиш бўйича мурожаат қилишлари мумкин.
ДСҚ матбуот хизматининг маълум қилишича, «нақдлаштирувчи корхоналар» билан 7990 та корхона ва тадбиркорлар сохта операцияларни амалга оширгани аниқланди.
Ушбу ноқонуний операциялар:
- қурилиш соҳасида — 35 фоиз (201,9 миллиард сўм);
- савдо соҳасида — 25 фоиз (467,8 миллиард сўм);
- ишлаб чиқариш соҳасида — 18 фоиз (96,7 миллиард сўм);
- хизмат кўрсатиш соҳасида — 14 фоиз (69,5 миллиард сўм);
- бошқа йўналишларда — 8 фоиз (83,5 миллиард сўм)ни ташкил этди.
Натижада сохта операциялар фактлари (498,9 миллиард сўм) тасдиқланди:
- қурилишда — 943 та тадбиркорлик субъекти (93,5 миллиард сўм);
- савдода — 658 та тадбиркорлик субъекти (271,8 миллиард сўм);
- хизмат кўрсатишда — 293 та тадбиркорлик субъекти (30,6 миллиард сўм);
- ишлаб чиқаришда — 344 та тадбиркорлик субъекти (42 миллиард сўм);
- бошқа йўналишларда — 154 та тадбиркорлик субъекти (60,8 миллиард сўм).
- қурилишда — 22 та тадбиркорлик субъекти (3,2 миллиард сўм);
- савдода — 23 та тадбиркорлик субъекти (4,1 миллиард сўм);
- хизмат кўрсатишда — 8 та тадбиркорлик субъекти (507 миллион сўм);
- ишлаб чиқаришда — 3 та тадбиркорлик субъекти (254,6 миллион сўм);
- бошқа йўналишларда — 1 та тадбиркорлик субъекти (3,3 миллион сўм).
- қурилишда — 27 та тадбиркорлик субъекти (3,5 миллиард сўм);
- савдода — 31 та тадбиркорлик субъекти (11,8 миллиард сўм);
- хизмат кўрсатишда —11 та тадбиркорлик субъекти (1,1 миллиард сўм);
- ишлаб чиқаришда — 11 та тадбиркорлик субъекти (9,7 миллиард сўм);
- бошқа йўналишларда — 5 та тадбиркорлик субъекти (1,5 миллиард сўм).
- қурилишда — 37 та тадбиркорлик субъекти (2,7 миллиард сўм);
- савдода — 57 та тадбиркорлик субъекти (2,1 миллиард сўм);
- хизмат кўрсатишда — 11 та тадбиркорлик субъекти (317,4 миллион сўм);
- ишлаб чиқаришда — 12 та тадбиркорлик субъекти (42,8 миллион сўм);
- бошқа йўналишларда — 1 та тадбиркорлик субъекти.
Изоҳ (0)