Navoiyda IIB xodimining avtomashinasini olib qochmoqchi bo‘lgan muqaddam sudlangan shaxs qo‘lga olindi, deb xabar bermoqda viloyat IIB matbuot xizmati.
Ma’lum bo‘lishicha, Navoiy shahrida tug‘ilgan, vaqtincha ishsiz, muqaddam sudlanib, Jinoyat kodeksining 169-moddasi (o‘g‘rilik) 3-qismi bilan 5 yil muddatga ozodlikdan mahrum qilinib, 2020-yilning 29-noyabrida jazoni ijro etish koloniyasidan ozodlikka chiqarilgan 40 yoshli fuqaro U.K. yana o‘g‘rilikka qo‘l urgan.
2021-yil 16-yanvar kuni soat 12:30 lar atrofida Navbahor tumanida yashovchi, Navbahor tumani IIB Migratsiya va fuqarolikni rasmiylashtirish guruhi inspektori J.M.ga tegishli bo‘lgan Lacetti’ni olib qochmoqchi bo‘lgan.
Shaharning Islom Karimov ko‘chasida to‘xtab turgan avtomashinaning eshigini kalit tanlash yo‘li bilan ochayotgan vaqtida ushbu holatni ko‘rib qolib, qarshilik qilgan inspektorning yuziga bir necha marotaba urib, hodisa joyidan qochib ketmoqchi bo‘lganida avtomashina egasi tomonidan ushlab qolingan.
Holat yuzasidan U.K.ga nisbatan Jinoyat kodeksining 169-moddasi (o‘g‘rilik) 4-qismi bilan jinoyat ishi qo‘zg‘atilgan. Hozirda surishtiruv ishlari olib borilmoqda. Mavzuga doir:
