«Барселона» бош мураббийи Рональд Куман Ла Лига 24-тури доирасида 21 февраль куни кечган «Кадис»га қарши ўйиндан (1:1) сўнг ўз фикрлари билан ўртоқлашди.
Бу натижанинг кўнгилни хира қиладиган томони шундаки, бундай ўйинларда ғалаба қозониш керак — биз эса буни уддалай олмади. «Атлетико» мағлубиятидан кейин юзага келган жуда ажойиб имкониятни қўлдан чиқардик.«Барселона» 23 та ўйинда 47 очко тўплаб, 3-поғонада бормоқда ва шунча ўйин ўтказган пешқадам «Атлетико»дан 7 очко ортда қолмоқда. Иккинчи ўриндаги «Реал» эса 24 ўйинда 52 очко тўплаган.Бу сешанба кунги (ПСЖга қарши 1:4) ўйиндан ҳам кўпроқ ҳафсаламни пир қилди. Икки очко йўқотилишига йўл қўймаслигимиз керак эди. Мен айнан қайсидир футболчини айбдор қилишни ёмон кўраман, биз умумий ҳолда ҳужумда яхши ҳаракат қилмадик ва ҳимояда ҳам бошқача ўйнашимиз керак эди. Ғалаба қозониш керак эди.
Иккинчи голни урмас экансан, барча масалани ҳал қила олмайсан, рақиб эса ҳар доим жавоб тўпини киритади. Бироқ вазият яратишда қийинчиликка дуч келдик, «Кадис» чуқур ҳимояланди. Ҳужумда ёрқинлик етишмади. Дарвозамизга пенальти белгиланган вазиятни таҳлил қилиб чиқиш керак. Бу менга шубҳали кўринди, бироқ у жаримага тортадиган вазият ҳам эди.
Биз ҳали бирор нимага эриша олиш имкониятига эгамиз, сабаби ҳеч ким осонликча ғалаба қозона олмаяпти. Бироқ бу ўйиндагидек имкониятни қўйиб юбормаслик кераклигини тушуниб етишимиз керак. Биз пешқадам билан фарқни қисқартира олдик, бироқ назоратимизда ўтган ўйинда 2 очко йўқотдик. Умумий олганда «Кадис» биздан 5 очко тортиб олди, бунга йўл қўйиш керак эмасди.
Рональд Куман, «Барселона» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)