Интернетда худди ҳақиқийдек кўринишга эга ноодатий iPhone’нинг ҳали эълон қилинмаган видеотақдимоти тарқалди, деб хабар беради Hi-Tech.Mail.ru.
Ролик 3D-рассом Святослав Александров томонидан яратилган. Видеода Apple’нинг янги уч ўлчамли модели шакли жиҳатидан букланувчан экранга эга Samsung Galaxy Z Fold 2’ни ёдга солади.
Ички экраннинг «қош» қисми ва бирор қирқими йўқ, ҳошия ҳам анча ингичка. Миш-мишларга кўра, букланувчи iPhone қурилмаси 6,7 дюймли экранга эга 12 Pro Max ва 8 дюймли iPad Mini ўртасидаги ўринни эгаллайди. Видеода 8 дюймли ички экранга эга смартфон намойиш этилган бўлиб, ташқи экранининг диагонали 6,3 дюймни ташкил этади.
Учта модулга эга камера ва Lidar датчиги қурилманинг орқа томонига жойлаштирилган. Фронтал камераси эса ички экранда «кўринмас» ҳолатга келтирилган. Яна бир қизиқ жиҳати — концептуал видеодаги смартфон худди келажакдаги iPhone 13 линейкаси каби Apple А15 базасига асосланган.
Apple’нинг янги қурилмаси ҳақиқатан қачон тақдим этилиши ҳозирча номаълум.
Аввалроқ интернетда Apple компанияси iPhone 13 mini’ни тақдим этишига оид маълумотлар тарқалган эди.