Жон Проссер исмли инсайдер ўз манбасига таяниб, Apple компанияси iPhone 13 mini’ни ишлаб чиқаришдан воз кечмаслигини маълум қилди. Смартфон ҳозирда 12-линейкадаги кичик модель билан содир бўлаётган вазиятга қарамай тақдим этилади, деб хабар беради Hi-Tech.Mail.ru.
iPhone 12 mini савдолари муваффақиятсиз деб топилган — унга бўлган талаб кутилганидан жуда ҳам кам. Apple ҳатто ушбу моделни ишлаб чиқаришни қисқартиришга мажбур бўлиб, кучларни узоқ вақт «танқис» бўлиб қолган iPhone 12 Pro флагманини ишлаб чиқаришга йўналтирган. Натижада iPhone 12 мини 2 миллион дона камроқ ишлаб чиқарила бошланган.
iPhone 12 mini’нинг асосий муваффақиятсизлиги iPhone SЕ (2020) моделининг муваффақияти билан боғланмоқда. Кичикроқ смартфон керак бўлса, янги кичик модель ўрнига айнан уни харид қилишган. 2021 йилда янги iPhone SЕ’ни ишлаб чиқариш режалаштирилмагани сабаб вазият такрорланмаслиги керак — iPhone 13 mini камроқ қурилмалар билан рақобатлашади.
Эслатиб ўтамиз, 2020 йилнинг кузида Apple бирданига тўртта смартфонни тақдим этганди — улар орасидаги энг кичиги 5,4 дюймли экранга эга iPhone 12 mini ҳисобланади.
Изоҳ (0)