Тор бичимдаги жинси шимларни қандай устки кийимлар билан уйғунлаштириш мумкин? (фото)

Мода намойишларида ушбу мавсум учун кенг бичимдаги шимларни кийиш тавсия этилса-да, аммо ҳамма ҳам бунга амал қилавермайди. Балки, тор бичимдаги шимлардан воз кечиш осон эмасдир. Шунинг учун уларга ушбу мавсумда ҳам трендда бўлиш учун тор жинси шимларни нималар билан уйғунлаштириш мумкинлигини кўриб чиқамиз.

Тор ва тўғри бичимдаги жинси шимлар баданга ёпишиб турувчи кофталар билан мос келади. Агар кофталар шифон ёки ҳарир матосидан бўлса, бу янада яхши. Айниқса, кофталар дизайнида бўйин қисми чуқур тўртбурчак шаклдагилари ажойиб образ яратади.

Юпқа ва тор шим кенг бичимдаги костюмлар билан навбатдаги ажойиб кўринишни ҳосил қилади. Ўртача узунликдаги костюмлар жинси шимлар билан уйғунлашиб, оёқларни визуал тарзда ингичка ва узун кўрсатади. Ушбу тўплам учун, албатта, пошнали пойабзал кийиш тавсия этилади.

Ушбу классик услуб ҳеч қачон урфдан қолмайди. Koмбинация учун қора ёки тўқ кўк рангдаги жинсиларни танлаш мумкин. Улар билан чарм этик,  юпқа свитер ҳамда тирсак қисми ямоқли пиджак яхши образ ярата олади.

Тўқ рангдаги жинси шимлар «гранж» услубини ёқтирувчилар учун мос келади. Уларни ботинка ва олд қисми очиладиган кофталардан тортиб, чарм куртка ёки классик пальтога қадар бирлаштириш мумкин.

Очиқ рангдаги бироз кенгроқ шимларни ботинкалар ичига киритиш билан тажриба қилиш мумкин. Свитер, кўйлак ва классик услубдаги костюмлар ажойиб қарама-қаршиликни келтириб чиқаради. Шунингдек, қоматдаги камчиликлар ҳам ўз-ўзидан беркитилади.

Тўғри бичимдаги шимлар oversize кофталар ва пальтолар билан ажойиб асосни ҳосил қилади. Бунинг учун оч кул ранг ва жигарранг пальтоларни танлаган маъқул. Шунингдек, чиройли кўриниш учун заргарлик буюмларидан ҳам фойдаланиш мумкин.