Сумка образни тўлдириши нотўғри танлангани эса аксинча, дидсиз кўринишга сабабчи бўлиши мумкин.
Дресс-код
Офисга жиддий услубда кийиниш кераклиги қора, оддий сумка тутиш кераклигини билдирмайди. Суҳбат ёки иш билан боғлиқ учрашувга клатч ёки кичкина сумкалар танлаш тавсия қилинмайди. Буни ўрнига қаттиқ корпусли ўртача катталикдаги сумкага эътибор қаратганингиз яхши. Қолаверса, ортиқча тош, маржон ва бошқа деталлар бўлмагани маъқул. Ранг борасида ҳам ҳаддан ортиқ эътибор жалб қилмайдиган, ялтироқ ва сариқ бўлмаган моделлар яхши.
Қора сумка
Кўп либосларга мос келгани билан қора сумка ҳамма образга ҳам тушавермайди. Бир-биридан фарқ қилмайдиган ўхшаш моделларни харид қилиш энг катта хато саналади. Зерикарли кўринган бундай сумка консерватив услубга хос саналади. Комфорт зонасидан чиқишдан қўрқманг, янги моделларга эътибор қаратинг. Қаймоқ ранг, жигарранг, тўқ қизил ҳамда хантал ранг моделлар ҳам бу борада яхши танлов бўла олади.
Нотўғри ўлчам танлаш
Унутманг, қулай ва енгил бўлгани билан митти сумкалар ҳар қандай либосга мос бўлавермайди. Шу сабаб ҳам сумкани образдан келиб чиққан ҳолда тўғри келадиганини харид қилинг. Мини моделларни эса бошқа оддий кунларга олиб қўйинг.
Кундалик сумкани зиёфатга тутиш
Кундалик образ учун тутиладиган сумкани оқшом кўйлаги билан мослашдан кўра дидсиз танлов бўлмайди. Кўпинча қизлар битта ўқ билан иккита қуённи уриш мақсадида универсал сумка моделларини харид қилади. Аммо сиз ўйлаган ҳамма нарса билан тушаверадигандек кўринган сумкалар аслида оқшом тадбир ва зиёфатлари учун умуман тўғри келмаслиги мумкин.
База сифатида тренддаги сумкани харид қилиш
Айни вақтда урфда бўлган ноодатий сумка тез модадан қолиши ва кейинги мавсумда долзарб бўлмаслиги сабаб ҳам уни харид қилишдан аввал яхшилаб ўйлаб кўрганингиз яхши. Ичи кўринадиган, матоли ва қопни эсга соладиган турли ноодатий шаклдаги сумка моделлари база бўла олмаслигини ёддан чиқарманг.
Кийим рангига мослаб сумка танлаш
Ҳар бир либосга мос келиши учун арсеналда бир эмас, бир нечта сумка бўлиши керак. Шу сабаб ҳам кийим рангига мослаб харид қилмасдан ранглар билан тажриба қилиб кўринг. Афзалликлари эътиборни тортиб, камчиликлари кўзга ташланмаслиги сабаб ҳам турли рангдаги сумкаларни танлаш тавсия қилинади.
Паст бўй эгаларининг катта сумка тутиши
Сумка қоматга пропорсионал бўлиши керак. Масалан, катта ҳажмли сумкалар бўйи паст аёлларга тўғри келмайди. Яхшиси ўртача катталикдаги қўлга тутиладиган ёки елкага тақса бўладиган аксессуарларга эътибор қаратган яхши.
Тўла қомат эгаларининг кичкина сумка тутиши
Кичик сумка тутганда қомат янада йирик кўриниши сабаб ҳам тўла аёлларга бундай сумка моделлари тўғри келмайди. Бунинг ўрнига ўртача катталикдаги сумкаларга эътибор қаратган яхши.
Бўксаси кенг қомат эгаларининг узун камарли сумка тутиши
Қоматининг пастки қисми тўла ва кенг бўлган аёлларга узунлиги бўкса баравар тушиб турадиган занжир ҳамда камарли сумка тутиш тавсия қилинмайди. Бундай сумка нафақат қоматдаги камчиликка эътибор қаратади, балки янада тўла кўрсатади.
Изоҳ (0)