Илгари юбкалар учун танланган оддий кофталарни бирлаштириш барчани ҳайратга солиши мумкин эди. Яхшиямки, вақт ўтиб энг кутилмаган комбинациялар ҳам қабул қилинади. Натижада оддий кофталар билан юбка ва кроссовка ҳам кийиш трендга айланди.
Қават-қават услубида тикилган юбкалар эса расмий кўринган оқ кофталар билан ажойиб кўринишни ҳосил этади. Ҳар кимнинг ўз образи алоҳида бир услубни яратганидек, янги комбинациялардан қўрқмаслик лозим.
Кенг этакли ёрқин рангдаги юбкалар тор футболка ҳамда енгсиз кофталар билан умумлаштирилганини мода ҳафталигида ҳам кўриш мумкин.
Нафақат узун, балки миди юбкаларни қалинроқ свитерлар билан бирлаштириш мумкин. Свитерлар бироз замонавий услубда, миди юбкалар бичими эса расмийликни ёдга солиши мумкин.
Изоҳ (0)