Ёшроқ кўриниш учун тери парвариши, пардоз ва соч турмагига алоҳида эътибор қаратилади. Лекин қанча ҳаракат қилинмасин, кийиниш борасида қўйилган камчиликлар туфайли ҳаттоки 10 йилга ҳам қарироқ кўриниш мумкин.
Нотўғри узунликдаги юбка
Қандай тенденциялар урфга киришига қарамай, ҳар қандай аёл либос танлашда бўй ва юбка узунлигини эътиборга олиши зарур. Тиззадан тушиб турадиган ноаниқ узунлик, айниқса, кенг ва шаклсиз силуэт ҳар қандай аёлни ҳам қарига айлантириши мумкин.
Ёшга мос бўлмаган услуб
Эҳтимол 15 йилга ёшроқ ва 20 килограммга камроқ вазнда ушбу кўриниш энг яхшиси бўлиши мумкин эди. Аммо бу образни ҳозирда ва айнан бу каби қомат эгалари такрорлаши тўғри бўлмайди. Мода тенденциялари ва ташқи кўринишни ҳисобга олмасдан, бир неча йил давомида бир услубдан фойдаланиш, энг аввало, ёшга таъсир қилади.
Нотўғри танланган жинси шим
Тўғри, жинсидан бошқа универсал нарса йўқ. Аммо узунлик, бичим каби хусусиятлар ёшни нисбатан каттароқ кўринишга олиб келиши мумкин. Буларнинг барчаси ташқи кўринишга путур етказади.
Кундалик ҳаёт учун ўта байрамона либос
Кундалик учун танланган ўта ҳашамдор ва шоҳона либослар ёшни камида 10 йилга катта кўрсатади. Шунинг учун либосни қаерга кийишни ҳам билиб олиш зарур.
Катта нақшлар
Катта нақшлар кийим бўйлаб босилган бўлса, бу унинг эгасига ҳам ҳажм, ҳам ёш қўшади. Кўзга яққол ташланган йирик гулли либослар ўрнига майда ва нафис нақшли кийимларни танлаш тавсия этилади. Улар қоматни бежирим кўрсатади.
Ортиқча деталлар
Образдаги кўплаб тақинчоқ, элементлар ёки кийимнинг ўзига берилган безакларнинг ҳаддан ортиқлиги ҳам ҳар қандай аёлни шунчаки замонавий қарияга ўхшатади-қўяди.
Мос бўлмаган шарф
Шарф ҳамда рўмол мураккаб деталь ҳисобланади. Айниқса, маълум бир давр модаси ҳақида гап кетганда. Агар шарф борасида бир оз бўлса ҳам эътироз бўлса, ундан воз кечган маъқул.
Ёшга тўғри келмайдиган деталлар
Ёшроқ кўриниш истагидаги ўсмирларнинг услубида кийиниш, албатта, ёшартириб қўймайди. Натижа бунинг тескариси бўлиши мумкин. Худди шу кўринишни расмий услубга ўзгартириш ва ёшни ҳам сақлаб қолиш жуда осон. Бунинг учун фақат кийимларни уйғунлаштиришда эътиборли бўлиш керак.
Қоматга тўғри келмаган ўлчам
Тепа қисм тор ва калта, шим эса узун... Қоматни аниқ акс эттирмаган либослар ҳам ёшни янада каттароқ кўрсатади. Шунинг учун либос ўлчамларида силуэтга мос бўлганларини харид қилиш зарур.
Мавзуга доир:
Изоҳ (0)