Юлдузлар ҳамиша оқшом либослари ва пардозли кўринишда бўлавермайди. Баъзида уларни ҳам оддий кундалик ҳаёт учун қулай бўлган кийимларда кўриш мумкин. Хўш, уларнинг шим, костюм ёки пойабзал борасидаги танлови қай даражада бир-бирига мос келади?
Мэнди Мур кундалик ҳаётда пальто ва кўйлак кийиб юрганида нишонга тушди. Унинг сипо кўйлаги устидан ташланган кул ранг пальтоси ҳамда баланд пошнали пушти рангдаги этиги ҳам ажойиб кўринишни ҳосил қилган.
Актриса Сара Жессика Паркер ҳам пушти рангдаги пойабзалларни хуш кўрадиганга ўхшайди. Актриса Нью-Йорк кўчаларида катта тугмачали енгил пальтода намоён бўлди. Албатта, бу унинг бир кунлик образи холос.
Ким Кардашьян оддийгина қора рангда кийинишга қарор қилганга ўхшайди. Силуэтга мос шим, узун қора плаш ва пошнали этик уни «Матрица» фильми қаҳрамонига айлантириб қўйгандек.
Хайди Клум хилма-хилликдан қўрқмайди. Унинг танлаган услуби турлича бўлса-да, аммо нақшлардан ташкил топган. Қоплон нусхали иссиқ кийим учун юлдузча нақшли шим танлаган. Ушбу тўпламни антиқа шакллардан иборат сумка билан бойитган.
Мег Райан ҳарбий услубни ёдга соладиган пальто кийишни афзал билди. Унинг бош кийими ва кўзойнаги образни бойитишга ёрдам берса-да, кроссовкаси бироз мос тушмаган.
Малла рангдаги этик, свитер ҳамда плаш жуда оддийлиги билан ҳам ажралиб туради. Эҳтимол, Приянка Чопра шу орқали атрофдагиларнинг эътиборини тортишни истамагандир. Аммо катта сариқ кўзойнак ушбу услубни аксессуар сифатида бойитмоқда.
Мавзуга доир:
- Костюм-шим билан кўркам образ яратиш бўйича машҳур аёллардан маҳорат сабоқлари (фото)
- Свитер ва юбка ёрдамида чиройли образ яратамиз: Виктория Бекҳэмдан мода дарслари
- Машҳур аёлларнинг қизил йўлакдаги энг кулгили образлари (фото)
- Замонавий Болливуд: Энг таниқли ҳинд актрисалари қандай услубда кийинади (фото)
- Ҳам чиройли, ҳам қулай: Кардиган билан замонавий образ яратиш бўйича 7 тавсия (фото)
- Француз ва итальянлардан қолишмайди: ҳинд аёллари кундалик ҳаётда қандай кийинади? (фото)
Изоҳ (0)