Баъзан фойдаланиш одатга айланиб қолган ёқимсиз нарсалар инсоннинг ўзидан кўра атрофдагиларга янада хунукроқ кўриниши мумкин. Мунтазам равишда урфда дея йўл қўйиладиган хатолар эса дидсизликдан хабар беради.
Бошга тақилган кўзойнак
Кўзойнак кўзни қуёшдан ҳимоя қилиш учун мўлжалланган. Аммо ундан сочларни турмаклашда ҳам унумли фойдаланадиганлар ҳам бор. Агар сочлар учун бирор нарса керак бўлса бу, албатта, резинка ёки шу каби соч аксессуарлари ҳисобланади.
Тўлдирилган чўнтаклар
Қизлар орасида жуда кенг тарқалган ҳолат, айниқса кичкина сумкадан фойдаланадиганлар орасида. Телефон, калит, карточка − буларнинг барчаси нафақат бепарволикдан дарак, балки хавфсизликка ҳам кафолат бермайди.
Тери рангидан тўқ колготка
Бу каби рангдан фойдаланиш оёқларни визуал тарзда семиз кўрсатади. Шунингдек, тери рангидан тўқ колготкалар оёқ ва юзга нисбатан бошқа рангдаги ғалати қарама-қаршиликни келтириб чиқаради.
Мос бўлмаган ўлчамдаги кийимлар
Яна бир кенг тарқалган хатолардан бири ўта катта ёки кичик ўлчамдаги кийимдир. Буларнинг барчаси жуда хунук кўринади. Биринчидан, тор кийимлар камчиликларни таъкидлабгина қолмай, бир қанча муаммоларни келтириб чиқаради. Масалан, терининг сиқилиши, қон айланишининг секинлашуви, нафас сиқилиши каби. Шунингдек, кенг кийимлар эса ноқулайлик туғдириши мумкин.
Кундалик учун спорт кроссовкаси
Замонавий аёллар ҳозирда кроссовкаларни шим, кўйлак ва юбкалар билан уйғунлаштирмоқда. Аммо улар оддий оёқ кийим сифатида ишлаб чиқарилади. Спорт пойабзаллари эса доимий кийишга эмас, машғулотлар учун мўлжалланган. Агар улар мунтазам равишда кийилса, оёқлар ноқулайликни сезади, шикаст етказиши ҳам мумкин. Шунингдек, спорт пойабзали оддий кийиниш учун мос эмас, улар образга путур етказади.
Колготка ва очиқ пойабзал
Кўпинча қизлар ёзги пойабзаллар билан ҳам колготкалар кийишга одатланган. Афсуски, улар фақат яланг оёққа кийилиши керак. Балки юпқа колготкалар бироз иссиқ тутар, аммо кийиниш услубига мос тушмайди.
Заргарлик буюмлари ва оддий тақинчоқлар
Аёллар бу борада ҳам ҳийла ишлатгиси келади, аммо натижаси аксинча бўлиб чиқади. Қимматбаҳо заргарлик буюми ёнида оддий тақинчоқ тақиб олинса, ҳаммаси арзон тақинчоқдек туюлади. Ушбу принцип бутунлай тескари ишлагани учун ҳам тилла ва кумуш тақинчоқларни арзонлари билан тақмаслик яхшироқ.
Изоҳ (0)