Макс Планк номидаги Интеллектуал тизимлар институти тадқиқотчилари томонидан HuggieBot 2.0 роботлаштирилган тизими тақдим этилди. Мазкур ихтиро бунга қадар ҳам мавжуд бўлган, бироқ робот ҳақиқий қучоқлашни «совға қилиши» учун жуда бесўнақай эди, деб хабар беради Hi-Tech.Mail.ru.
«Қучоқлайдиган робот юмшоқ, иссиқ, ўлчами одамдек келадиган, фойдаланувчини визуал қабул қила олиши, шеригининг ўлчами ва ҳолатига қадар ўз қучоқларини созлай билиши, қучоқлашни тугатганидан сўнг ҳеч қандай қийинчиликсиз қўйиб юбориши лозимлигини ҳис қилардик», — дейди ихтирочилар.
HuggieBot’га махсус металл ромдаги иккита Kinova JACO қўллари ўрнатилган (одатда улар ногиронлар аравачасига қотирилади). Шунингдек, роботнинг орқасида сенсор датчиклар жойлашган. Улар қурилмага уни қучоқлаганида жавоб тариқасида қандай куч билан шеригини қучоқлаши кераклигини тушyнишга ёрдам беради. Бундан ташқари, роботнинг шиширма юмшоқ танаси ҳам бўлиб, у фойдаланувчининг қўл ҳаракатини унинг ҳолатидан қатъи назар сеза олади.
Робот танаси ўзини қучоқлайдиган инсонга қулай бўлган ҳароратда исий олади. Керакли бўлган пайтда эса у шеригини иситиб қўяди.
Ҳозирда тадқиқотчилар HuggieApp дастури устида иш олиб бормоқда, у фойдаланувчиларга масофадан туриб бир-бирига индивидуал қучоқлашларни юбориш ва уларни HuggieBot роботи орқали олиш имконини беради. Дастур ёрдамида одамлар роботга ўрнатилган экрандаги юз анимациясини ўзиникига алмаштира олади.
Аввалроқ Францияда кексаларга ёрдам беришга мўлжалланган робот яратилгани тўғрисида хабар берилганди.
Изоҳ (0)