Telegram мессенжери январь ойида дунёда энг кўп юклаб олинган мобил дастурга айланди. Бу ҳақда платформа асосчиси Павел Дуров маълум қилди, деб ёзади Meduza.
Дуров мессенжернинг аудиторияси қай даражада ўсганига аниқлик киритмади. Январь ўрталарида у Telegram’нинг фаол фойдаланувчилари сони 500 миллиондан ошганини маълум қилганди.
Telegram мессенжери аудиторияси АҚШ собиқ президенти Дональд Трамп тарафдорлари ўртасида оммабоп бўлган Parler ижтимоий тармоғи Капитолийга ҳужумдан кейин январь ойида Apple ва Google томонидан дастурлар дўконидан ўчириб ташланганидан кейин ўсди.
Telegram фойдаланувчилари кўпайишига WhatsApp мессенжерининг махфийлик сиёсатидаги ўзгаришлар ҳам сабаб бўлган бўлиши мумкин. Бундай хатти-ҳаракатлар ортидан Signal мессенжерининг аудиторияси ҳам ўсди.
Эслатиб ўтамиз, январда Американинг Coalition for a Safer Web (Хавфсиз интернет коалицияси) нотижорат ташкилоти Apple ва Google компанияларидан Telegram мессенжерини дастурлар дўконидан ўчириб ташлашни талаб қилган. Унинг иддао қилишича, Telegram экстремизм ва антисемитизмни тарқатишга имконият яратади, шунингдек, ирқий асосда таҳдидлар юбориш ва зўравонликни мувофиқлаштириш учун фойдаланилади.
Telegram асосчиси Павел Дуров суд даъвосини тўғридан-тўғри изоҳламади, аммо бир ҳафта ичида мессенжер администраторлари АҚШда зўравонликка қаратилган юзлаб даъватларни блоклаб қўйганини маълум қилди.
Изоҳ (0)