Келажак яқин: ҳаётни янада осонлаштирадиган 5 та робот (фото)

Яқин-яқингача роботлар инсон учун хаёлий кашфиёт бўлиб туюлар ва уларни фақатгина фильмларда томоша қилиш мумкин эди. Аммо технологиялар тараққиёти туфайли келажак яқинлашиб келаётганини англаш мумкин.

Робот-тозаловчи

Пол, дераза ва чанг бўлиши мумкин бўлган жойларни тозалашни ўз зиммасига олади ҳамда уй эгасига бир қанча енгилликлар яратади. Уларнинг аксарияти катта сармояларни талаб қилмайди, шунингдек, катта жой эгалламайди. Бундан ташқари, уларни бошқариш қийин эмас, мобил дастур орқали тозалаш учун вақт ва жойни танлаш мумкин. Баъзи моделларда эса таймер функцияси мавжуд бўлиб, улардан ҳар куни тозалашни сўраш мумкин.

Робот-энага

Робот-энагалар болалар билан астойдил шуғулланади, масалан, уларга эртак айтади, саволларга жавоб беради, ота-онанинг илтимосини етказади ва ҳаттоки боланинг видеолавҳасини мобил телефонга узатади. Ушбу кичкина энагаларнинг катталар учун мўлжалланган версиялари ҳам мавжуд. Улар қўнғироқ қилади, ишлар рўйхатини тузади, кичик ишларни бажаради ёки шунчаки суҳбатлашади. Уйда юрган роботлар саволларга жавоб берадиган ва мусиқа қўядиган «ақлли» карнайни таклиф этиши мумкин.

Уй ҳайвонлари учун робот-шерик

Энди мушук ва кучук боқувчилар уларни уйда ёлғиз қолдириши мумкин. Махсус ишлаб чиқарилган робот уй ҳайвонлари билан биргаликда ўйнайди. Роботлар ҳайвоннинг ҳаракатини тахмин қилган ҳолда ажойиб товушлар билан уларни ўзига қизиқтиради. Уй эгалари эса мобил дастур орқали роботни масофадан туриб бошқариши мумкин.

Мушуклар учун робот-қути

Агар мушук боқувчи хонадонлар ушбу қутидан фойдаланса, унинг айрим инжиқликларини қутининг ўз ҳал этади. Ушбу қути ёқимсиз ҳидни бартараф этади, чиқиндиларни тозалайди ва ахлат қутисини ҳам ўзи бўшатади.

Робот-ташувчи

Етказиб бериш хизмати жуда оммалашган бир вақтда уни энди роботларга топшириш мумкин. Озиқ-овқат дўконидан бирор нарса харид қилинса, робот-ташувчи етказиб бериш хизматини йўлга қўяди. Кичик курьерлар ўз йўналишига эга бўлиб, пиёдалар каби тўсиқлардан қочади. Гарчи ушбу қурилма мазкур соҳада одамларнинг ўрнини тўлиқ босмаса-да, етказиб бериш нархини пасайтиришга ёрдам беради.