Maks Plank nomidagi Intellektual tizimlar instituti tadqiqotchilari tomonidan HuggieBot 2.0 robotlashtirilgan tizimi taqdim etildi. Mazkur ixtiro bunga qadar ham mavjud bo‘lgan, biroq robot haqiqiy quchoqlashni “sovg‘a qilishi” uchun juda beso‘naqay edi, deb xabar beradi Hi-Tech.Mail.ru.
“Quchoqlaydigan robot yumshoq, issiq, o‘lchami odamdek keladigan, foydalanuvchini vizual qabul qila olishi, sherigining o‘lchami va holatiga qadar o‘z quchoqlarini sozlay bilishi, quchoqlashni tugatganidan so‘ng hech qanday qiyinchiliksiz qo‘yib yuborishi lozimligini his qilardik”, — deydi ixtirochilar.
HuggieBot’ga maxsus metall romdagi ikkita Kinova JACO qo‘llari o‘rnatilgan (odatda ular nogironlar aravachasiga qotiriladi). Shuningdek, robotning orqasida sensor datchiklar joylashgan. Ular qurilmaga uni quchoqlaganida javob tariqasida qanday kuch bilan sherigini quchoqlashi kerakligini tushunishga yordam beradi. Bundan tashqari, robotning shishirma yumshoq tanasi ham bo‘lib, u foydalanuvchining qo‘l harakatini uning holatidan qat’i nazar seza oladi.
Robot tanasi o‘zini quchoqlaydigan insonga qulay bo‘lgan haroratda isiy oladi. Kerakli bo‘lgan paytda esa u sherigini isitib qo‘yadi.
Hozirda tadqiqotchilar HuggieApp dasturi ustida ish olib bormoqda, u foydalanuvchilarga masofadan turib bir-biriga individual quchoqlashlarni yuborish va ularni HuggieBot roboti orqali olish imkonini beradi. Dastur yordamida odamlar robotga o‘rnatilgan ekrandagi yuz animatsiyasini o‘zinikiga almashtira oladi.
Avvalroq Fransiyada keksalarga yordam berishga mo‘ljallangan robot yaratilgani to‘g‘risida xabar berilgandi.
Izoh (0)