Кофталар одатда шим ва юбкалар билан уйғунлаштирилади. Аслини олганда, олди қисми тугмачали кофталар эркакларнинг кўйлагидан олинган. Аммо ушбу услубдаги кийимлар қулайлиги учун ҳам аёллар гардеробидан мустаҳкам ўрин эгаллаган.
Ушбу баҳор мавсумида калта кофталарни қандай кийимлар билан бирлаштириш кераклиги ҳақида бош қотиришнинг кераги йўқ. Ундан кўра уларнинг узайтирилган либос шаклидагисини харид қилиш тавсия этилади.
Ушбу узун либослар ҳам қулай, ҳам турли кўринишдаги оёқ кийим билан мослаша олади. Шунингдек, ҳар қандай аёлга латофат бағишлайди.
Тўғри, мода ҳафталикларида узун кофта-либосларни турли деталлар билан бойитилганини кўриш мумкин. Аммо доим ҳам айнан шундай бўлиши керак дегани эмас, уларни ҳар ким ўз истагига кўра тўлдиради.
Аксессуар сифатида биргина кўзойнак, сумка ёки белбоғ етарли бўлиши мумкин.
Ушбу либосларнинг яна бир афзаллиги шундаки, баҳор қуёшининг нурлари жуда зарарли бўлиб, қиш мавсумидан чиққан витаминларга муҳтож терини дарров куйдириши мумкин. Либослар эса қуёш нуридан баданнинг барча қисмини бирдек асрайди.
Узун кофта-либослар жой танламайди, уларни иш, ўқиш ёки кундалик юмушлар учун ҳам кўчаларда, шунингдек, учрашувларга ҳам кийиш мумкин.
Либосларнинг турли рангдагилари мавжуд, баъзиларининг бичими қоматдаги камчиликларни ҳам яширади.
Мавзуга доир:
- Миди узунлигидаги жинси юбка баҳорда урфга киради: Қандай моделларни кийган маъқул? (фото)
- Урфдан қолди: Баҳорда кийиш тавсия қилинмайдиган кийим-кечаклар (фото)
- Мавсум тренди: Шахмат нусхали либосларни нима билан кийиш керак?
- Костюм-шим билан кўркам образ яратиш бўйича машҳур аёллардан маҳорат сабоқлари (фото)
Изоҳ (0)