Моданинг янгиланиб туриши янгилик эмас. 90 йилларда урфда бўлган кийим-кечаклар, хусусан, жинсини мазкур мавсум подиумларида такрор долзарб эканини кўриш мумкин.
Ушбу матодан тикилган юбка, пиджак ва либослар асосий трендлар рўйхатидан ўрин олган. Дизайнерлар шунчаки жинси куртка ва шим билан чекланмасликни, бошдан оёқ жинсидан кийинишни тавсия қилади.
Аlexander МcQueen кенг жинси либос билан чарм камар тақиш ҳамда жинсидан тикилган калта пиджак билан образни якунлашни тавсия қилади.
Philosophy di Lorenzo Serafini эса ўз коллекциясида сипо ва аёлларга хос нафосатга урғу берадиган комбинезонларга эътибор қаратганини кўриш мумкин.
Бошқа ранглар билан солиштирганда унчалик етакчи бўлмаган тўқ жинси билан мазкур мавсумда ҳеч иккиланмай ўзига хос кўринишга эга бўлиш мумкин.
Marcelo Burlon County Of Milan брендида вариант сифатида тақдим қилинган шорти билан Gabriela Hearst жакетларини кийиш, шунингдек, уни ипак матосидан тикилган блузка ва ботинка билан мослаш мумкин.
Романтик услубда кийинишни яхши кўрадиганларга Marques’ Аlmeida брендидаги сингари кенг бичимли либос ҳамда жинси матодан тикилган туфли кийиш, ноодатийликни афзал биладиганларга эса ранг-баранг пайпоқ ва сумка танлаш айни муддао. Суратда келтирилган моделлардан эса айнан қандай кийимлар харид қилиш кераклиги борасида илҳомлансангиз бўлади.
Изоҳ (0)