Ранглар уйғунлиги — жуда нозик масала. Бу борада ҳар кимнинг ўз диди, ўз фикри бор, албатта. Рангларни чиройли тарзда мослаштириш қобилияти ёки туғма маҳорат, ёки катта тажриба ва юқори кузатув натижасида орттирилади. Бу борада қўрқмасдан стереотиплар доирасидан ташқарида фикрлашни ўрганишга ҳаракат қилинг. Эътиборингизга учта ранг комбинацияси асосида ажойиб тарзда кийиниш мумкинлигини кўрсатиб берамиз.
Қизил + пушти
Одатда, аёллар ушбу ранг комбинациясини четлаб ўтади: бу ранглар уларга ўта ёрқин бўлиб кўринади. Аслида ундай эмас, мазкур ранглар уйғунлиги ҳуснингизга ҳусн қўшади. Ва бу тасаввур ва тажриба учун жуда кўп имкониятлар беради: ушбу комбинация, албатта, сизни оломондан ажратиб туради.
Тўқ кўк + қора
Ушбу комбинация одатда контрастнинг етишмаслиги учун танқид қилинади. Тўқ кўк қора рангга нисбатан ёқимли ва ёрқинроқ. Шунингдек, бундай комбинация янада мураккаб услублар учун «оқ қоғоз» вазифасини бажаради. Қора ва кўк рангли комбинацияга турли деталларни осонгина мослаштириш мумкин, бу эса ранглар уйғунлигини таъминлайди.
Қора + пушти
Яна бир баҳсли комбинация. Бу уйғунлик анчадан бери кўплаб тортишувларга сабаб бўлиб келмоқда. Бундай қарама-қаршиликлар остида қолмаслик учун енгил, оч пушти рангдаги либос танлашни маслаҳат берамиз.
Изоҳ (0)