Ёрқинлик, тетиклик, адреналин, энергия — буларнинг бари қизил рангнинг рамзи ҳисобланади.
Шу билан бирга, хавфлиликдан дарак бериши мумкин бўлгани сабаб ҳам қуйидагилар кузатилиши мумкин:
— ортиқча жалб этилгани сабаб ҳам ташвишга тушиш;
— агрессивлик ёки тушунмовчилик;
— иш ёки офисга тўғри келмаслиги;
— кўзни оғритиши мумкин.
Шу сабаб ҳам қизил рангдан либос кийганда ортиқча эътибор жалб қилишга тайёр бўлиш, бундан қочиш учун эса тўқ ва ёрқин бўлмаганидан кийиш керак. Кайфият кўтарилиши ва энергияни ҳис қилиш учун образга қизил аксессуар қўшишнинг ўзи кифоя.
Кимлар қизил ранг кийишдан эҳтиёт бўлиши керак?
Аслида қизил ранг ҳаммага ярашади, шунчаки айнан қай бири мос тушишини билиб олиш керак.
Қош кўзлари тўқ ва кўзга ташланадиган қизларни «совуқ» қизил рангдаги либослар кўнгилдагидек кўрсатмайди. Оч ташқи кўринишга эга қизларга ҳам, ўз навбатида, сариқ ва сабзи рангига яқин қизил ранг ярашмайди. Бунинг натижасида ёш каттароқ, юздаги ажин ва кўз остидаги ҳалқалар кўриниб қолади. Шу сабабдан ҳам кўринишдан келиб чиққан ҳолда танлов қилиш кераклигини эсда тутиш лозим.
Шунингдек, қизил ранг кишини тўлароқ кўрсатишини ҳам ёдда тутиш керак. Қолаверса, бундай рангли либос бичимига ҳам эътиборли бўлиш, янада тўла кўрсатишининг олдини олиш керак. Иложи борича, қоматнинг камчиликлари бор қисмидан қизил рангни узоқ тутган яхши.
Бошдан оёқ шу рангда кийинадиган бўлсангиз, унинг тўқ ва оч рангларини умумлаштиришга ҳаракат қилинг. Қизилни бошқа ранглар, масалан, оқ билан мослаш мумкин. Бир образнинг ўзида иккита қизил ёрқин ранг либос кийиш ранглар уйғунлигига таъсир қилиши мумкин. Қизил либосга деталларни эътибор билан танлаш керак. Бошдан оёқ ушбу рангда кийинганда аксессуарнинг эътибор жалб қилмайдиган минимал услубдагисини танлаган яхши. Қўшимча безаклардан эса қочган яхши. Юзда камчиликлар, масалан, майда капиллярлар кўриниб турадиган бўлса, қизил либослар танлашда эҳтиёткор бўлган яхши. Терида муаммолар бўлса ҳам, қизил ранг юздан узоқроқ бўлишига эътибор қаратиш керак.
Қизил ранг билан макияж ҳам ўзига хос бўлиши керак. Қора ва тўқ рангли соч эгаларига лабга, сариқ сочлиларга эса кўзга урғу бериш тавсия қилинади. Хулоса қилиб айтганда, қизил ранг исталган ёшдаги, кўриниши турлича бўлган аёл-қизларга ярашиши ёки образни тамоман барбод қилиши мумкин.
Изоҳ (0)