Пойабзал − бу муваффақиятли кўринишнинг таркибий қисмларидан бири бўлиб, бу асосан уларни тўғри танлаш билан боғлиқ. Пойабзаллар икки ҳолатда ҳам фойдага хизмат қилиши мумкин. Масалан, визуал тарзда оёқларни узайтиради ёки аксинча, уларни сезиларли даражада қисқатиради. Айнан қайси моделлар билан эҳтиёт бўлиш кераклигини эса стилист Юлия Козовая маълум қилди.
Тепа қисми тўпиққача ҳамда пошнаси ўртача баландликда бўлган пойабзаллар оёқларни қисқароқ кўрсатади. Агар улар билан нотўғри услуб танланса бу, албатта, ташқи кўринишга путур етказади. Шунинг учун бу каби пойабзаллар қора ранг колготка ёки шимлар билан кийилгани маъқул. Агарда узун оёқларидан уяладиган хонимлар бўлса, у ҳолда тери ранг колготка ва тиззагача узунликда бўлган юбка ёки кўйлак билан кийиши мумкин.
Ушбу балеткалар барчага ҳам мос келавермайди, кўпроқ бўйи баланд қизлар учун яхши кўринишни ҳосил қилади. Агар қулайлик жиҳатидан ушбу пойабзалдан воз кечиш қийин бўлса, уларни ёрқин рангдагисини танлаш жоиз. Ҳаттоки 0,5 сантиметр пошна ҳам катта рол ўйнайди. Балеткаларни белдан кийиладиган шим ёки миди юбкалар билан бирлаштириш тавсия этилади. Бу билан оёқлар визуал равишда узаяди.
Баланд пошна ҳамда тасма орқали тақилувчи туфлилар ҳам оёқларни нисбатан қисқа кўрсатади. Айниқса, пошна ва тасма қисми қалин бўлса. Хўш, қандай қилиб, ушбу севимли туфли ташқи кўринишни бузмаслигига эришиш мумкин? Бу ерда ҳам юбка узунлиги, бичими, шим ва колготка рангига эътиборли бўлиш кифоя.
Ҳам қалин, ҳам пошнали оёқ кийимлар бўйни баландроқ кўрсатгани билан, оёқларни сезиларли даражада қисқа қилиб кўрсатади. Бундай пойабзаллар устида ишлаш бироз мушкул. Шунинг учун ҳам одатда бу каби платформалардан қочган яхшироқ. Яхши томони шундаки, улар ҳозир урфда эмас. Албатта, аммо кейинги ёки қайсидир мавсумда ушбу пойабзаллар трендда бўлиши шубҳасиз. Аммо унгача мода оламида яна янги услублар ҳам пайдо бўлади. Ҳар ким ўзининг бўйи ва қоматидан келиб чиққан ҳолда, балки оёқларни қисқа ёки узун кўринишини инобатга олиб, пойабзал танлаши жуда муҳим.
Изоҳ (0)