Шоколад ва творогдан ажойиб таъмга эга пирог тайёрлаб кўринг

Ширинликни тайёрлаш жуда оддий бўлса-да, шоколад ва творог мазасининг уйғунлашуви ҳеч кимни бефарқ қолдирмаслиги аниқ.

Керакли маҳсулотлар:

Хамир учун:

• Сариёғ − 180 грамм;
• Шакар − 190 грамм;
• Сметана − 2 ош қошиқ;
• Ун − 300 грамм;
• Какао кукуни − 40 грамм;
• Қабартма (разрихлител) − 1 чой қошиқ;
• Шоколад ва туз.

• Творог − 500 грамм;
• Шакар − 100 грамм;
• Тухум − 1 дона;
• Ванилин.

1. Сариёғ эритилиб, совитишга қўйилади. Сўнг шакар, туз ва сметана билан кўпиртирилади.
2. Ун, какао ва қабартма алоҳида идишда аралаштирилади.
3. Унли аралашма оз-оздан сариёғли масса устидан солинади. Бир хил қуюқ хамир бўлгунга қадар аралаштирилади.
4. Хамир 2 соатга музлаткичга қўйилади.
5. Творог шакар, тухум ва ванилин билан аралаштирилади.
6. Агар творог қуруқ бўлса, массани блендер ёрдамида аралаштириш мумкин.
7. Хамир тенг икки қисмга бўлинади. Қолип юзасига қандолат қоғози ёйилади. Хамирнинг бир бўлаги қирғичдан ўтказилади.
8. Юзасидан творогли аралашма солиниб, хамирнинг иккинчи ярми қирғичдан ўтказилади.
9. Тахминан, 30 дақиқа давомида 180 даражада пишириб олинади. Бироз совигандан сўнг устидан қирғичдан ўтказилган шоколадни сепиб, безак бериш мумкин.