Микротўлқинли печда творогли омлет тайёрлаб кўринг

Творогли омлетни тайёрлаш учун бор-йўғи 5 дақиқа вақт талаб этилади.

Керакли маҳсулотлар:

• Ўсимлик ёғи − 3-5 томчи;
• Тухум − 2 дона;
• Творог − 2 ош қошиқ;
• Пармезан пишлоғи − 2 чой қошиқ;
• Кўкат, туз ва зираворлар.

• Авокадо − 1/4 дона;
• Помидор − 1 дона;
• Пишлоқ − таъбга кўра.

1. Микротўлқинли печга қўйиладиган махсус идиш ёғланади.
2. Тухум чақилиб, яхшилаб аралаштирилади.
3. Творог, майдаланган кўк пиёз, пишлоқ, туз ва мурч қўшиб аралаштирилади.
4. Аралашма идиш ичига солинади.
5. Микротўлқинли печга 30 сонияга қўйилади, сўнгра аралаштирилиб, яна 30 сонияга қўйилади.
6. Кейинги сафар 45-60 сонияга, омлет пишгунига қадар қўйилади.
7. Тайёр бўлган омлетга помидор, авокадо, мурч ва қирғичдан ўтказилган пишлоқ сепилади.Ёқимли иштаҳа!