Pechda pishirish shart emas: atigi 4 mahsulot bilan shokoladli chizkeyk tayyorlab ko‘ring

Buning uchun ikki xil shokolad, pishloq va qaymoq bo‘lsa kifoya. Mazali shirinlik bir zumda dasturxonni bezaydi.

Kerakli mahsulotlar:

• achchiq shokolad − 250 gramm;
• sariyog‘li pishloq − 500 gramm;
• sutli shokolad − 90 gramm;
• yog‘li qaymoq − 80 ml.

Tayyorlanish jarayoni:

• achchiq shokolad idishga solinib, bug‘ yordamida eritib olinadi yoki uni mikroto‘lqinli pechda ham eritish mumkin, faqat har 10 soniyada uni aralashtirib turish kerak;
• xona haroratidagi pishloqqa eritilgan shokolad qo‘shilib, blenderda aralashtiriladi;
• diamteri 16—18 santimetr bo‘lgan qandolat qolipiga aralashma quyiladi, usti silliqlanadi;
• 2 soatga muzlatkichga qo‘yiladi;
• sutli shokolad mayda bo‘laklarga bo‘linadi, ustidan issiq qaymoq quyilib, yaxshilab aralashtiriladi;
• chizkeykning ustidan qaymoqli aralashma quyilib, yana 10 daqiqaga muzlatkichga qo‘yiladi.

Mavzuga doir:

• Desert uchun antiqa “profitroli” shirinligini tayyorlaymiz
• Chizkeyk, krujka ichiga solib pishiriladigan keks: Kam kaloriyali 5 shirinlik retsepti
• Nonushtaga yumshoqqina pankeyklar tayyorlaymiz
• Xonanda Nigora bilan shokoladli chizkeyk tayyorlaymiz (video)
• Faqat shirinlik emas: Uddaburon uy bekasi tvorogdan tayyorlashi mumkin bo‘lgan 5 yegulik