Bloomberg бутун дунёда ҳаёт қачон нормал ҳолатга қайтишини ҳисоблаб чиқди. Ҳисоб-китоблар учун вакциналар ҳажми асос қилиб олинди, чунки илмий жамоатчилик фикрига кўра, пандемияни енгиш учун дунё аҳолисининг 70—85 фоизи эмланиши керак, деб ёзмоқда Spot.
Ҳисоб-китоблар ўзгариши мумкин, чунки айрим мамлакатлар вирусни тезроқ енгади, дейди таҳлилчилар. Масалан, дунёдаги эмлаш даражаси энг юқори бўлган Исроилда эмланганлар сони бор-йўғи икки ой ичида 75 фоизни ташкил қилади. АҚШда эса мазкур кўрсаткич 2022 йилга келибгина 75 фоизга етади.
«Вакцинация дунёнинг қолган қисмига қараганда бойроқ бўлган Ғарб мамлакатларида тезроқ амалга оширилаётганлиги сабабли эмлаш ҳозирги суръат бўйича етти йил давом этади», — дея хулоса қилди агентлик.
Эмлаш қанчалик тез амалга оширилса, ушбу муддат шунча тез камаяди. Эҳтимол, бу эртароқ содир бўлиши мумкин, чунки ҳозирги суръат билан Канадада вакцинация, тахминан, 10 йил давом этади, аммо ҳукумат бу қадар узоқ кутишни ният қилмасдан, фаол равишда бошқа чораларни қидирмоқда.
Вакциналар сонининг кўпайиши билан эмлаш суръати кескин ўзгариши мумкин. Масалан, Ҳиндистон ва Мексикада бир қанча йирик вакцина ишлаб чиқариш марказлари эндигина иш бошламоқда. 2021 йил февраль ҳолатига кўра, дунё мамлакатларининг атиги учдан бир қисмида вакцинация бошланган.
Нима учун ҳаммани эмлаш керак?
Бир нечта одам эмланган тақдрида, вирус назоратсиз равишда тарқалишни давом эттириши мумкин. Қанча кўп одам эмланса, жамоавий ҳимоя кучаяди — инфекциянинг индивидуал учқунлари ёниб кетади ва эпидемияга айланмайди. Ушбу тушунча «жамоавий иммунитет» деб номланади.
Аввалроқ қандай об-ҳаво коронавирус тарқалишига йўл қўймаслиги маълум қилинганди.
Ундан аввал олимлар иқлим ўзгариши ва COVID-19 келиб чиқиши ўртасидаги боғлиқликни аниқлаган. Унга кўра, иқлим ўзгариши натижасида маълум бир минтақада кўршапалак турлари сонининг кўпайиши ўша ерда зарарли коронавируснинг пайдо бўлиш, ёйилиш ёки ривожланиш эҳтимолини ошириши мумкин.
Изоҳ (0)