Чехия ҳукумати коронавирус пандемияси олдида ожиз қолаётганини тан олди — мамлакатдаги тақиқлар амалда бекор бўлган, аҳоли уларга бўйсунишни истамаяпти. Бу ҳақда Чехия соғлиқни сақлаш вазири Ян Блатни «СТ24»га интервью берган.
«Одамларнинг коронавирус пандемияси туфайли жорий этилган чекловларда чарчагани табиий ҳол. Аммо ушбу тақиқ чораларисиз пандемия устидан ғалаба қозона олмаймиз», — деган вазир.
У дастлаб мамлакатда касалланишлар сони камая бошлагани, бироқ одамлар карантин чекловларига риоя этмай қўйгач, яна инфекцияни юқтириб олиш ҳолатлари кўпайиб кетганини қайд этди.
Шунингдек, у ҳукуматнинг аҳоли олдида кучсизланиши коронавируснинг янги мутацияси – «британча» штаммини мамлакатга кириб келишига туртки бўлганлигини қўшимча қилган.
Мавзуга доир: Коронавируснинг «британча» штамми COVID-19’дан даволанганларга юқадими? Илк симптомлари қанақа?
Шу сабабли январь охирида Франция, Чехия ва Германияда мамлакатга кириш чекловларининг кучайтирилгани хабар қилинганди.
Изоҳ (0)