Сўнгги бир йил ичида Буюк Британия ҳукумати ўзини журналист сифатида кўрсатган уч нафар хитойлик жосусни мамлакатдан чиқариб юборди, деб ёзмоқда «ТАСС».
Хабарга кўра, ушбу фуқаролар ХХР Давлат хавфсизлик вазирлиги разведкасида хизмат қилган ва Британияга журналист визаси билан келган. Учала айғоқчи ҳам номлари ҳали аниқланмаган уч хил Хитой оммавий ахборот воситаларида ишлаган. Инглиз контрразведка ходимлари томонидан айғоқчиларнинг ҳақиқий шахси аниқланди.
Таъкидланишича, айни пайтда Буюк Британия ҳукумати чет эл ҳукумати номидан иш юритадиган шахсларни рўйхатга олишни талаб қилувчи қонун яратиш ҳақида ўйламоқда. Акс ҳолда, бундай шахслар қамоқ ёки депортация сингари жазоларга учраши мумкин.
Аввалроқ Хитой полицияси мамлакатда COVID-19’га қарши қалбаки вакцина сотган 80 дан ортиқ кишини ҳибсга олгани ҳақида хабар берилганди. Гумонланувчилар 2020 йилнинг сентябрь ойидан бери шприсларни оддий физиологик эритма билан тўлдириб, вакцина ниқоби остида юқори нархда сотиб келган.
Эслатиб ўтамиз, Brexit сабаб Британиянинг 50 га яқин компанияси Францияга кўчиб ўтган. Пандемияга қарамай, аллақачон деярли 2,5 минг иш ўрни Буюк Британиядан Францияга ўтказилган. 2021 йил бундай трансферлар тезлашиши кутилмоқда.
Изоҳ (0)