Қирғизистоннинг янги бош вазири Улуғбек Марипов ўзининг қондош укаси Бахитбек Мариповни Ўш вилоятининг Новқат тумани ҳокимлиги лавозимидан четлатди. Бу ҳақда «24.kg» хабар берган.
Бу Қирғизистон ҳукумати раҳбарининг бош вазирлик курсисига ўтирганидан кейин амалга оширган дастлабки ҳаракатларидан бири бўлди, Улуғбек Марипов манфаатлар тўқнашуви содир бўлмаслигини таъминлаш учун ҳам шундай қарор қабул қилган.
Қирғизистонда маҳаллий ўзини ўзи бошқариш органлари ижро ҳокимиятининг бир қисми ҳисобланади ва тўғридан-тўғри бош вазирга бўйсунади.
Эслатиб ўтамиз, 2021 йил 3 февралда Қирғизистон парламенти 41 ёшли Улуғбек Марипов номзодини бош вазир лавозимига тасдиқлаган. У аввал Қирғизистон ҳукуматидаги турли раҳбарлик лавозимларида, жумладан, мамлакат молия вазирлиги, президент девони, Фавқулодда вазиятлар вазирлиги, ҳукумат девонида, шунингдек, собиқ президент Алмазбек Атамбаевнинг ёрдамчиси сифатида ишлаган.
Мавзуга доир:
Изоҳ (0)