COVID-19 баъзи кишиларга юқмаслигининг уч сабаби бор: бундай кишилар бошқа турдаги коронавирус билан касалланган ёки яқинда вирусли инфекцияни бошдан кечирган ёки маҳаллий иммунитетга эга. Бу ҳақда РУДН (Россия Халқлар дўстлиги университети) юқумли касалликлар кафедраси доценти, тиббиёт фанлари номзоди Сергей Вознесенскийнинг сўзларига асосланиб «РИА Новости» хабар берди.
Вознесенскийнинг айтишича, антитаналар инсон танасининг касаллик қўзғатувчи билан аввал юзлашганини кўрсатадиган белгидир. Шу билан бирга, баъзи одамлар касалликларга, масалан, ОИВга чалинмайди.
«Коронавирус инфекцияси шароитида бундай одамлар янада кўпроқ. Улар нима сабабдан иммунитетга эга эканлиги ҳақида узил-кесил хулоса келтириш масаласи ҳали илмий мунозара босқичида турибди», — деди Вознесенский.
У келтирган тахминлардан биринчиси – бу одамда аввал бошқа турдаги коронавируслар келтириб чиқарган касаллик сабаб ўзаро кесишма иммунитетнинг мавжудлигидир. Иккинчи тахмин – коронавирусга йўлиқишдан олдин одам аллақачон бирор вирусли инфекцияни бошдан кечирган ва кейинчалик танада интерферон даражасининг кўтарилганлиги билан боғлиқ. Агар улар кўп бўлса, танада вирусли инфекцияларга мойиллик пасаяди.
Учинчи тахминда иммунитетнинг маҳаллий элементлари — нафас йўллари шиллиқ қаватида вируснинг кириб келишига тўсқинлик қиладиган иммунитет комплекслари ҳақида гап боради. Бу механизмларнинг қайси бир ҳақиқатан иш бериши илмий мунозараларнинг мавзуси саналади, дея қўшимча қилди эксперт.
Мавзуга доир: Коронавирус ташқи муҳитда ҳар қандай дезинфекция воситаси таъсиридан ўлиши мумкинлиги айтилди
Изоҳ (0)