13 февраль куни Парижда бўлиб ўтадиган Sotheby’s аукциони доирасида 80 нусхада ишлаб чиқарилган Mercedes-Benz CLK DTM AMG кабриолетларидан бири сотувга қўйилади. Қизил рангли ноёб нусха 2007 йилда ишлаб чиқарилган бўлиб, унга бир неча киши эгалик қилган: улар орасида БАА қироллик оиласи аъзолари, Абу-Даби ва Баҳрайн шайхлари бор, деб ёзади Motor.
2003 йилги DTM чемпионатидаги ғалаба учун яратилган Mercedes-Benz CLK DTM AMG кабриолетларининг аксарияти қора ёки кумуш рангга бўялган. 80 та нусхадан фақат бештаси конвеердан «Оловли опал» рангида чиққан. Сотувга қўйилган нусха — айнан шу қаторга киради.
Кабиролет Европа талабларига мос равишда йиғилган, бироқ тайёр бўлиши билан БААга юборилган бўлиб, уни Шаржа амирлигидаги подшоҳлик оиласи аъзолари сотиб олган. Кейинроқ қизил CLK DTM AMG Абу-Дабидаги Ал-Айн шаҳридан бўлган шайхга сотилган, ундан сўнг, Баҳрайн подшоҳлик оиласи гаражидан ўрин олган.
CLK DTM AMG 5,4 литрли V8 компрессори билан жиҳозланган бўлиб, у беш поғонали SpeedShift 5G-Tronic автомат узатмалар қутиси ёрдамида бошқарилади. Агрегат қуввати 582 от кучи ва 800 Нм айланувчи моментга тенг. Бу каби мотор ёрдамида кабриолет соатига 100 километр тезликка тўрт сонйиада эришади, максимал тезлиги — 322 км/соат.
Мазкур кабриолет 2007 йилдан буён 15,2 минг километр йўл босган. Ҳозирча унинг нархи эълон қилинмаган.
Мавзуга доир:
Изоҳ (0)