Журналистлар АҚШ президенти Жо Байденнинг соати нархи қанча эканини аниқлашга муваффақ бўлди. Бу ҳақда Independent нашри хабар беради.
Сиёсатчи таққан соат Швейцариянинг машҳур бренди Rolex’нинг Datejust модели экани папарацци нишонидан четда қолмаган. Маълум қилинишича, мазкур люкс аксессуарнинг нархи 7 минг фунт стерлингни ( 9553 доллар) ташкил қилади.
The New York Times нашри журналистлари Байденнинг соати аввалги президентлар таққан соатдан қимматроқ эканига эътибор қаратган. Масалан, Билл Клинтон ва Кичик Жорж Буш Американинг Timeх соат брендини, Барак Обама эса Shinola ва Jorg Gray’ларни афзал билган.
Gotta love the @nytimes—Trump incited a violent insurrection against the very government he headed that cost lives, but Biden wore a Rolex. Both sides.
— Coles Street Pothole (@ColesStreetPoth) January 22, 2021
Ижтимоий тармоқ фойдаланувчилари мазкур мақолага нисбатан норозилик билдирган. Уларнинг фикрича, АҚШ президентининг исталган нархдаги соатни тақишга ҳаққи бор. Шунингдек твитлар орасида Трамп одамларни ўзи бошқарган ҳукуматга қарши исён қилишга гиж-гижлаганида, Байденнинг Rolex соатини тақишининг ажабланарли томони йўқ мазмунидаги фикрларни ҳам учратиш мумкин. «Унда пул топишга имкон бўлган ва у шундан фойдаланяпти, бунинг уятли жойи йўқ», — деб ёзган фойдаланувчилар Twitter’да.
Аввалроқ, Байденнинг набиралари инаугурация маросимига қимматбаҳо либосларда келгани ҳам муҳокамаларга сабаб бўлганди. Унда 2О яшар Meyzi, Rodarte брендидан 1575 долларлик пушти ипак матодан тикилган кўйлакда, 21 ёшли Финнеган эса Markarian брендидан 1995 долларлик либосда ташриф буюрганди.
Изоҳ (0)