2020-yil 7-noyabrda Jo Bayden AQShning yangi prezidenti bo‘lganidan keyin uning rafiqasi, sobiq o‘qituvchi Jill Bayden birinchi xonim maqomiga ega bo‘ldi. Shu munosabat bilan Cosmopolitan nashri yangi birinchi xonimning qanday kiyinishi va uslubiga e’tibor qaratdi.

Foto: Cosmopolitan

Amerikaning sobiq birinchi xonimi Melaniya Tramp bilan solishtirganda Bayden sipo kiyinadi. Uning kiyinish uslubi konservativ va tushunarsiz.

Foto: Cosmopolitan

Garderobining asosini kostyum-yubka, futlyar bichimli liboslar, pidjak va klassik shimlar hamda trikotaj kardiganlar tashkil qiladi.

Foto: Cosmopolitan

Jill stilistlar xizmatidan foydalanmaydi, hamma libosini o‘zi tanlaydi. Bundan tashqari, bir libosni bir necha marta kiyishdan, cho‘ntakbop markalardan xarid qilish, qimmat bo‘lmagan bluzkalar va 50 dollarlik marjon taqishdan cho‘chimaydi.

Foto: Cosmopolitan

U turli rangdagi, sipo bichimli dizaynga ega liboslarni kiyishni xush ko‘radi. Vaqti-vaqti bilan Dolce & Gabbana brendi kolleksiyasidan printli kiyimlarni ham kiyib turadi.

Foto: Cosmopolitan

Kiyim borasida konservativ ekanligiga qaramay, oyoq kiyim borasida erkin tanlov qilishi mumkin. U klassik uchli tuflilarni, kamarli va bog‘ichli, yorqin hamda turli shakldagi poyabzallarni kiyishi mumkin.

Foto: Cosmopolitan

Sovuq kunlarda uni uncha baland bo‘lmagan poshnali botfortda ham ko‘rish mumkin. Jill Baydenning kiyinish uslubini ko‘pchilik Brijit Makronning kiyinish uslubiga o‘xshatadi. Bu ikki xonim o‘rtasidagi yolg‘iz o‘xshashlik emas: Brijit ham Jillning ham kasbi o‘qituvchi. Jiddiy uslubdagi kostyum-yubka, uchli tufli ular uchun kundalik kiyinish uslubi hisoblanadi.

Foto: Cosmopolitan

Birinchi xonim bo‘lganiga qaramay, Jillning karyerasini to‘xtatish niyati yo‘q, u ma’ruzalarni davom ettirish niyatida. Bergan intervyularidan birida kasbi u uchun muhim ekani, odamlar o‘qituvchilarni qadrlashi va ularning jamiyatga qo‘shgan hissasini anglashini istashini bildirgan.

Foto: Cosmopolitan

Uning omma oldida chiqish va rasmiy tadbirlarga tashrif buyurishga ko‘nikishiga hojat yo‘q. Chunki u turmush o‘rtog‘i vitse-prezident lavozimida ishlaganida ikkinchi xonim maqomida bo‘lgan va dress-kod bilan yaxshi tanish.

Foto: Cosmopolitan

Jo Bayden siyosat bilan mashg‘ul chog‘ida Jill nafaqat mavqeyiga munosib kiyinishni, balki omma oldida o‘zini qanday tutishni ham o‘rgangan. U Melaniyadan farqli ravishda ko‘ngli ochiq, o‘ziga ishonchi yuqori va istalgan vaqtda suhbat va bahsga kirishishi mumkin.

Foto: Cosmopolitan

Foto: Cosmopolitan

Foto: Cosmopolitan