Учувчилар томонидан 2020 йилда видеога олинган ғайриоддий учар объектни ўрганиш учун АҚШда суриштирув ишлари ўтказилиб, у дрон-манекен бўлгани аниқланди, деб хабар беради Hi-Tech.Mail.ru.
АҚШ Фуқаролик авиацияси федерал бошқармасининг (FAA) авиадиспетчерлик хизматлари билан амалга оширган ёзишмаларига кўра, «реактив кийимдаги сирли инсон» дрон-манекен бўлиб чиқди. Буни учувчилардан бири ФҚБга объект YouTube’даги роликларда тасвирланган дронга ўхшашини айтганидан сўнг аниқлашга муваффақ бўлишган.
Учувчи айнан қайси ролик ҳақида айтгани номаълум. У қуйида келтириладиган роликни назарда тутган бўлиши мумкин. Ноодатий объект ва дрон-манекен ростдан ҳам бир-бирига ўхшайди. Сирли учар объектнинг сифатли кадрлари бўлмагани сабаб уларни солиштириб кўришнинг имкони йўқ.
Эслатиб ўтамиз, Слинг Пилот академиясининг учувчилари Калифорниядаги машғулот зонасида ўтказилган синов парвозлари вақтида номаълум учар жисмга дуч келганди.
Ушбу ноодатий ҳодисада иштирок этган учувчилардан бирининг сўзларига кўра, улар академиядан Санта-Каталина оролига қараб стандарт маршрут бўйича ҳаракатланаётган бўлган. Парвоз вақтида улар ҳаводаги ноодатий объектга дуч келган. У реактив кийим кийиб олган йигитга ўхшаш бўлиб, тахминан 1 километр баландликка кўтарилгач самолётнинг ўнг томонидан учиб ўтган ва кўздан йўқолгунга қадар парвозни давом эттирган.
Изоҳ (0)