Американинг Коннектикут штатидаги Мидлтаун шаҳрида яшовчи қиз оғир касалликка чалинган отаси никоҳ маросимга келолмаслиги туфайли шифохонада турмушга чиқди. Бу ҳақда KPLC 7 телеканалининг сайти хабар бермоқда.
Янги йил байрамида Хуан Эстела нафас олишда қийналишни бошлаган. Уни дарров касалхонага ётқизишган. Таҳлил натижаларига кўра, унга терминал саратон касаллиги ташхиси қўйилган. У қизи Саранинг никоҳ тўйини кўра олмасликдан қўрқаётган эди.
Отасининг хоҳишини бажариш учун Сара ва унинг севгилиси Майкл Кристек тўй маросимини касалхонада ташкил этишга қарор қилди. «Биз барчасини эртакдагидек бўлишини хоҳладик», − дейди келин.
Никоҳ маросими 2021 йил 16 январда бўлиб ўтган. Келин сариқ ҳимоя кийимида, маросимга ташриф буюрган меҳмонлар эса ниқоб ва қўлқопда эди. «Менинг учун энг муҳими, отамнинг борлиги», − дейди Сара.
Жуфтликнинг тўйига ташриф буюра олмаган яқинлари Zoom орқали масофадан туриб, базмда иштирок этган. Саранинг синглиси Алиса Броу ҳам машинадан туриб, уларнинг тўйини кузатган. Афсуски, тўйдан икки кун ўтиб, 2021 йил 18 январь куни вафот этган.
Изоҳ (0)