Ўтган ҳафта Орегон штатида ноодатий ўғирлик содир бўлди. Эркак йўлтанламасни миниб қочган ва орқа ўриндиқда болакай борлигини пайқаб қолган. У жиноят жойига қайтиб, болани онасига топширган ва уни эътиборсизлиги учун полицияга топшириш билан қўрқитган. Шу билан бирга, у ўғирланган автомобилни ўзида қолдиришга қарор қилган, деб хабар беради Motor.
16 январь куни америкалик аёл ўзининг 2013 йилда ишлаб чиқарилган кумушранг Honda Pilot’ини автотураргоҳда қолдириб, сут ва гўшт олиш учун дўконга кириб кетган. Машина орқа ўриндиғида унинг тўрт ёшли қизи бўлган. Она автомобилдан беш дақиқага узоқлашганига қарамай, у катта хатога йўл қўйган: моторни ўчирмаган ва эшикларни ёпмаган.
Ўғри ушбу вазиятдан фойдаланиб қолган. У машинага ўтириб, автотураргоҳдан чиқиб кетган ва бироз ўтгач болалар ўриндиғида ўтирган қизчага кўзи тушган. Шунда у ортга қайтиб, яна дўконга келган: у ерда машина эгасини топиб, қизчани қўлига топширган ва боласига яхши қарамагани учун аёлни уришиб берган.
Аёл машина ичидан қизини тушириб олиши билан ўғри машинани номаълум йўналиш томон миниб кетган. Полициянинг таъкидлашича, улар ўғридан болани қайтаргани учун миннатдор ва ҳозирда ўғирланган Honda’ни қидириш билан шуғулланмоқда.
Аввалроқ Америкада 500 минг доллар турадиган BMW’ни ўғирлаб қочган жиноятчи ЙТҲга учрагани тўғрисида хабар берилганди.
Изоҳ (0)