Италияда 1978 йилда ишлаб чиқарилганидан буён 78 километр йўл босган «Москвич-2137» сотувга қўйилди. Сотувчи мазкур машинани 16,5 минг долларга баҳолаган. Таққослаш учун, ушбу пулга Россияда янги Toyota Corolla харид қилиш мумкин, деб хабар беради Motor.
Сотувга қўйилган нусханинг ўзига хослиги шундаки, у 42 йил давомида бирор марта рўйхатга қўйилмаган ва одометрга кўра, деярли йўл босмаган. Шунга қарамай, «Москвич» тўрт маротаба ўз эгасини алмаштирган, умуман олганда деярли битта гаражда турган. Сотувчи автомобилнинг ҳужжатларни тақдим этишга қийналган.
«Москвич-2137» моделининг экспорт версияси Италияга 1970 йиллар охирида бориб қолган. Эълон муаллифининг сўзларига кўра, машина худди заводдан чиққан ҳолатидагидек сақланган — ҳатто ўт олдириш «свеча»лари ҳам оригинал. Бироқ машина барибир таъмирталаб, хусусан, кузовининг айрим қисмлари занглаган, тормоз тизимлари ва бензанасосини текшириш керак.
Эълонда ноаниқлик бор: маълумотлар жадвалида автомобиль 1,5 минг километр йўл босгани қайд этилган, одометрда эса ушбу кўрсаткич 78 километр. Афтидан, сотувчи постни эълон қилиш вақтида чалкашликка йўл қўйган — двигатель ҳажми 1500 куб сантиметр бандини адаштириб юборган кўринади. Motorининг қуввати 75 от кучига тенг.
Аввалроқ Москвада пикап кузовидаги 25 йиллик ноёб «Москвич» 12 минг долларга сотилаётгани тўғрисида хабар берилганди.
Изоҳ (0)