YouTube’даги DipYourCar канали муаллифи автомобилини худди юлдузлар нур сочиб турган тунги осмон каби бўяшга қарор қилди. Бунинг учун у ёруғликни 99 фоиз ютадиган қора бўёқ ва ялтироқлардан фойдаланган.
Блогер ишининг асосини афсонавий Surrey NanoSystems бўёғи ташкил этган — у углерод нанонайчалардан иборат бўлиб, ёруғлик нурлари унда том маънода йўқолади ва сўрилиб кетади. Шу сабабли ушбу бўёқ билан бўялган объектлар ҳақиқатда қора бўлиб кўринади.
Мазкур бўёқни исталган инсон буюртма қилиши мумкин ва ҳозирга қадар кўплаб автомобиллар шу каби қопламага эга, аммо блогер унга ялтироқларни ҳам қўшган — натижада машина миллионлаб юлдузлар нур сочаётган тунги осмон каби кўриниш олган.
Эслатиб ўтамиз, 2018 йилнинг февралида Жанубий Кореянинг Пхёнчхан шаҳрида архитектор Асиф Кхан томонидан Vantablack материалидан яратилган «биринчи супер қора иншоот» очилган эди.
Изоҳ (0)