Тошкентнинг Бектемир туманида Howo оғир юк машинаси ва Cobalt иштирокида содир бўлган ЙТҲ оқибатида енгил машина йўловчиси вафот этди. Бу ҳақда ИИВ ЙҲХББ ахборот хизмати хабар берди.
Маълумотларга кўра, Тошкентда Ф.М. исмли фуқаро турмуш ўртоғи билан биргаликда Cobalt автомашинасида йўлнинг хавфли бурилиш жойида тезликни камайтирган. Шу вақтда Бектемир тумани томонидан хавфли бурилишга келган ҳайдовчи Р.М. (1997 йилда туғилган) бошқарувидаги Howo оғир юк автомобили қарама-қарши йўлга чиқиб кетган.
«Ф.М. имкон қадар автомобилини четган олишга ҳаракат қилган, аммо оғир юк автомобилининг ҳайдовчиси бошқарувни йўқотиши ва юк тортиб кетиши натижасида у Cobalt устига ағдарилган», — дейилади хабарда.
Тўқнашув натижасида Cobalt автомашинасида бўлган йўловчи К.М. (1988 йилда туғилган) оғир тан жароҳатлари билан воқеа жойида вафот этган.
Ҳолат юзасидан Ўрта Чирчиқ тумани ИИБ ҳузуридаги тергов бўлими томонидан тергов ҳаракатлари олиб борилмоқда.
Аввалроқ Бухорода иссиқ асфальт ортилган юк машинаси 33 ёшли эркак устига ағдарилгани тўғрисида хабар берилганди.
Изоҳ (0)