Samsung компанияси CES 2021 кўргазмасида ошхонани тозалашга ва кийим-кечакларни илиб қўйишга қодир кўп функцияли Bot Handy роботини тақдим этди, деб хабар беради Hi-Tech.Mail.ru.
Bot Handy ташқи кўриниши билан одатдаги одамсифат роботларга ўхшамайди, у механик қўлларга эга баланд робот-чангютгич кўринишида. Ушбу қўлларда камерага эга бир нечта қўллар бор — улар атрофни таниш ва объектларни аниқлашга жавоб беради.
Samsung роботи уйдаги универсал ёрдамчи вазифасини бажаради. Ошхонада у кечки овқатдан олдин дастурхон безатиши, вино қуйиши, кейин эса идишларни идиш-товоқ ювиш машинасига жойлаштиради. Бошқа хоналарни эса тозалаши ва ювиладиган кийимларни тўплаши мумкин.
Механик қўллари ёрдамида у исталган буюмни ушлаб кўра олади, ҳатто буюмлар нозиклигини сезади — шу сабабли бокалларга ҳам шикаст етмайди.
Бундан таҳсқари, робот бошқа одамлар билан алоқа ўрната олади. Оғзаки бўлмаган мулоқот учун унинг дисплейига турли хил ҳис-туйғуларни кўрсатадиган виртуал юз чизилган, аммо суҳбат ва буйруқлар учун микрофонли оддий динамиклар ҳам мавжуд.
Samsung ҳозирча Bot Handy каби робот сотувга қачон чиқиши ва қанча туриши ҳақида маълумот бермаган.
Аввалроқ Disney худди инсонникига ўхшаш кўзларга эга роботини намойиш этган, Японияда ёлғиз инсонлар учун робот-қўл яратилган эди.
Изоҳ (0)