ЖССТ саёҳатчилар учун вакцинация паспортларидан фойдаланиш масаласини ўрганмоқда. «Интерфакс»нинг хабар беришича, бу ҳақда 14 январь куни бўлиб ўтган матбуот анжуманида ЖССТнинг Европа минтақавий бюроси маълум қилган.
«Коронавирус инфекциясига қарши самарали ва хавфсиз вакциналар пайдо бўлиши билан ЖССТ халқаро саёҳатчиларни эмлаш билан боғлиқ масалаларни ўрганмоқда. Шуни эслатиб ўтмоқчиманки, халқаро профилактика сертификатидан фойдаланиш халқаро тиббий-санитария қоидалари билан тартибга солинадиган масала ҳисобланади», — деган ЖССТ Европа минтақавий бюроси иммунизация бўлими бош мутахассиси Олег Бенеш.
Бенеш халқаро тиббий-санитария қўмитаси «COVID-19’га қарши курашиш билан боғлиқ масалаларни вақти-вақти билан кўриб чиқаётганини» таъкидлаган.
Унинг сўзларига кўра, ушбу масала бўйича ЖССТ ҳозирда уч йўналишда:
- саёҳатчиларга вакцинацияни тавсия этиш ва у билан боғлиқ қийинчиликлар бўйича;
- давлатлар томонидан чеклов ёки саёҳатчилардан вакцинация қилиниши талабини қўйиш бўйича;
- ўтказилган вакцинация бўйича ишончли манбалардан давлатлараро маълумот алмашиш устида иш олиб бормоқда.
Изоҳ (0)