14 январь куни дунёнинг турли бурчакларидан олинган энг қизиқарли суратлар жамланмасини тақдим этамиз.
Туркия президенти Ражаб Тоййиб Эрдўғон ҳам Telegram’даги каналида коронавирусга қарши вакцина билан эмланганини билдирди. Фото: Telegram / Telegram / Ражаб Тоййиб Эрдўғон
Эронда ҳарбий ўқув машғулотлар пайтида узоқ масофага учувчи «Нур» ракетаси синовдан ўтказилди. Фото: AFP
Англиянинг Макклсфилд ҳудудида коронавирусга қарши эмлаш таклиф этилаётган дорихонадаги навбат. Фото: PА
Туркиянинг Элязиг ҳудудидаги дарё узра камалак. Фото: Getty Images
Туркиянинг Анталия шаҳрида совуқдан ҳимоялаш учун эгаси томонидан кийинтириб қўйилган 2 ойлик Санс лақабли ит. Фото: Getty Images
Ҳиндистоннинг Аванияпурам ҳудудида буқаларни бўяш анъанавий тадбирида буқа иштирокчиларга ташланмоқда. Фото: AFP
Тошкент метрополитенининг «Пахтакор» бекатида тиғиз вақтда йўловчилар оқими. Фото: Twitter / «Давлетовуз»
Австралиянинг Сидней шаҳрида Тамара пляжида сувда сузиб юрган одамлар. Фото: Getty Images
Англиянинг Лондон шаҳрида Темза дарёси бўйидаги ойнада аёл киши кўринмоқда. Фото: AP Photo
АҚШнинг Вашингтон шаҳрида Вакиллар палатаси аъзоси Стени Ҳоер Капитолийга кириб келишда полда дам олиб ётган Миллий гвардия ходимлари орасидан ўтмоқда. Фото: AFP
Германиянинг Айнзидел ҳудудида тоғлар аро қорли йўлда кетаётган автомобиль. Фото: AP Photo
Италияда мафия иши бўйича 30 йил ичидаги энг йирик суд жараёни давом этмоқда. Унда мафия жиноят уюшмасига аъзоликда гумондор 355 нафар шахснинг иши кўрилмоқда. Фото: Reuters
«Дакар раллиси» давом этаётган бир пайтда чўлда югуриб юрган туялар. Фото: Reuters
Суриянинг Дейр-ал-Баллют ҳудудида муҳожирлар лагери. Фото: AFP
Уганданинг Магере ҳудудида умуммиллий сайлов вақтида сайлов участкасида юк машинасида ўтирган полиция ходимлари. Фото: AFP
Бельгиянинг Брюссель шаҳрида полиция маҳкамасида вафот этган 23 ёшли Иброҳим Баррининг ҳақ-ҳуқуқларини талаб қилиб чиққан омма полиция билан тўқнашди. Фото: Rех
Швейцариянинг Валанс шаҳрида ҳайвонларни боқиш учун эски арчани пастга тортиб кетаётган аёл. Фото: AP Photo
Жанубий Кореянинг Сеул шаҳрида музлаб қолган Ҳанган дарёси устидаги кўприкдан ўтиб кетаётган автомобиллар. Фото: Reuters
Бангладешда матоларни бўяш фабрикаси ишчиси маҳсулотни дорга илмоқда. Фото: Reuters
Индонезияда коронавирусдан оммавий вакциналаш бошланди. Биринчи бўлиб уни мамлакат президенти Жкоко Видодо олди. Фото: Reuters
Россияда яратилган бўлажак вакцина нусхаси журналистларга намойиш этилди. Фото: Reuters
Тошкентнинг «Халқлар дўстлиги» майдонидаги ҳарбий техника ва қурол-аслаҳа кўргазмаси ўтказилди. Фото: Мадина Нурман / «Дарё»
АҚШнинг Вашингтон шаҳрида Дональд Трампга импичмент эълон қилиш бўйича имзоланган ҳужжатни кўтариб олган АҚШ Конгресси қуйи палатаси спикери Нэнси Пелоси. Фото: EPA
Англиянинг Хексем ҳудудида қорда маҳсулотлар ортилган аравачани тортиб кетаётган аёл. Фото: PА
Аввалги кунларнинг галереялари:
Тошкентда тўқнашган 5 та автомобиль, пойабзаллар уюми ичидаги одам, қорга қувонган шифокорлар. 13 январь суратлари Ҳужумга учраган Капитолий, булдуруқистонга айланган Ўзбекистон, томда дарс қилаётган бола. Ҳафта суратлари Ёғоч доскада Қуръон ўрганаётган ўқувчилар, Қаршида портлаган уй, муҳожирлар лагеридаги болалар. 6 январь суратлари Тошкентда очилган йўл, ананасдан қилинган самолёт, отилаётган вулқон. 5 январь суратлари Салкам 600 миллион сўмга сотилган авторақам, ўлдирилган журналист, тош отаётган аҳоли. 4 январь суратлари
Изоҳ (0)