JSST sayohatchilar uchun vaksinatsiya pasportlaridan foydalanish masalasini o‘rganmoqda. “Interfaks”ning xabar berishicha, bu haqda 14-yanvar kuni bo‘lib o‘tgan matbuot anjumanida JSSTning Yevropa mintaqaviy byurosi ma’lum qilgan.
“Koronavirus infeksiyasiga qarshi samarali va xavfsiz vaksinalar paydo bo‘lishi bilan JSST xalqaro sayohatchilarni emlash bilan bog‘liq masalalarni o‘rganmoqda. Shuni eslatib o‘tmoqchimanki, xalqaro profilaktika sertifikatidan foydalanish xalqaro tibbiy-sanitariya qoidalari bilan tartibga solinadigan masala hisoblanadi”, — degan JSST Yevropa mintaqaviy byurosi immunizatsiya bo‘limi bosh mutaxassisi Oleg Benesh.
Benesh xalqaro tibbiy-sanitariya qo‘mitasi “COVID-19’ga qarshi kurashish bilan bog‘liq masalalarni vaqti-vaqti bilan ko‘rib chiqayotganini” ta’kidlagan.
Uning so‘zlariga ko‘ra, ushbu masala bo‘yicha JSST hozirda uch yo‘nalishda:
- sayohatchilarga vaksinatsiyani tavsiya etish va u bilan bog‘liq qiyinchiliklar bo‘yicha;
- davlatlar tomonidan cheklov yoki sayohatchilardan vaksinatsiya qilinishi talabini qo‘yish bo‘yicha;
- o‘tkazilgan vaksinatsiya bo‘yicha ishonchli manbalardan davlatlararo ma’lumot almashish ustida ish olib bormoqda.
Izoh (0)