Warner Bros. компанияси Галь Гадот иштирокидаги «Мўъжизакор аёл: 1984» фильми барча йўналишлар, жумладан, «Энг яхши фильм» ва «Энг яхши актриса» йўналишлари бўйича «Оскар»га номзодлик қилишини маълум қилди, деб хабар беради «Kino.Mail.ru».
Академикларга Галь Гадотдан ташқари, продюсерлар Дебора ва Зак Снайдер, режиссёр Петти Женкинс, сценарийнавислар Жефф Жонс ва Дейв Каллахем, актрисалар Кристен Уиг, Робин Райт ва Конни Нильсен, шунингдек, актёрлар Крис Пайн ва Педро Паскал номзодини мукофотга тасдиқлашни кўриб чиқиш тавсия этилмоқда. Бундан ташқари, мукофотга композитор Ханс Зиммер, оператор Мэттью Женсен ва суратга олиш гуруҳининг бошқа аъзолари ҳам даъвогарлик қилмоқда.
Шу билан бирга, танқидчиларнинг ҳисоблашича, «Оскар» «Малкольм ва Мари» картинасидаги Зендаяга насиб этади. Netflix’нинг оқ-қора фильмини томоша қилган экспертлар актрисани мукофотга лойиқ кўрмоқда.
«Зендая энг яхши аёл роли учун ‘Оскаръни ўғирлаши мумкин», — деб ёзади Индиwеире киностудияси вакили Анн Томпсон. Фанданго кинотанқидчиси Эрик Дэвиснинг фикрича, Зендая ва Жон Дэвид Вашингтоннинг «Малкольм ва Мари» романтик драмасидаги ижроси ажойиб чиққан.
Мавзуга доир: «Мўъжизакор аёл»— Галь Гадот: Исроиллик камсуқум қиз қандай қилиб Голливудни забт этди?
Изоҳ (0)