2021 йилнинг 11 январь куни Болливуд юлдузи Анушка Шарма фарзандли бўлди. 32 яшар актриса Мумбай шифохоналаридан бирида кўзи ёриган. Бу ҳақида унинг турмуш ўртоғи Вират Коҳли Instagram саҳифасида маълум қилган.
Қиз фарзанд дунёга келганини ёзган Вират, мухлисларининг севгиси, дуолари ва тилаклари учун миннатдорчилик билдирган. Шунингдек, рафиқаси ва чақалоқнинг аҳволи яхши эканини айтиб ҳаётининг янги бобини бошлаётганларидан хурсанд эканликларини қўшимча қилган Вират, бу вақтда мухлисларидан шахсий ҳаётларини ҳурмат қилишларини умид қилишини билдирган.
Актрисанинг ўзи сал аввалроқ Bollywood Times нашрига берган интервьюсида фурсати бўлиши билан ижодга қайтишини маълум қилган. «Мен фарзанд дунёга келтирганим ва уйда иш, оила ва фарзанд тарбиясини балансда бўладиган қилиб муҳит яратганимдан кейингина суратга олиш майдончасига қайтаман. Мен тирик эканман ишлашда давом этмоқчиман, чунки бу мени дарҳақиқат бахтли қилади», — деган.
Маълумот учун, Анушка 2017 йилнинг декабрь ойида ҳиндистонлик машҳур крикетчи Вират Коҳли билан турмуш қурган эди. Уларнинг тўйлари катта дабдаба билан нишонланган.
Изоҳ (0)