Десерт учун антиқа «профитроли» ширинлигини тайёрлаймиз

Ушбу ширинлик фақатгина моҳир қандолатчилар томонидан пиширилади, деб ўйлаганлар адашади. Уни ҳар бир бекажон уй шароитида ҳам тайёрлай олиши мумкин.

Керакли маҳсулотлар:

Хамир учун:

• Сув – 230 мл;
• Ун – 1 стакан;
• Шакар – 1 ош қошиқ;
• Сариёғ – 100 грамм;
• Тухум – 4 дона:
• Туз.

• Қора шоколад – 180 грамм;
• Қуюқ қаймоқ – 1, ½ стакан;
• Апельсин пўсти.

• Сут – 500 мл;
• Тухум – 2 дона;
• Ванилин – 1 чой қошиқ;
• Шакар – 110 грамм;
• Крахмал – 55 грамм;
• Ёғли қаймоқ – 200 мл.

1. Аввал ширинликнинг хамири тайёрланади. Бунинг учун сариёғ ҳамда шакар биргаликда чуқур идишда қайнагунча эритиб олинади.
2. Олов пасайтирилиб, ун қўшилади, суюқлик силлиқ бўлгунча яхшилаб аралаштирилади. 2-3 дақиқадан сўнг олов ўчирилади ва бир неча дақиқага совутишга қўйилади. Сўнгра 4 дона тухум бирма-бир қўшилиб, яхшилаб аралаштирилади.
3. Печ қолипи ёғланиб, қандолат қопчаси ёрдамида аралашма қолип юзасига қуйилади. 190 даража печда 30-40 дақиқа давомида пишириб олинади. Дастлабки 15 дақиқадан сўнг буғни чиқариш учун печ эшигига қошиқча тиқилади. Бу вақтда печни очиб бўлмайди, акс ҳолда ширинликлар қийшайиб кетиши мумкин. Улар керакли тусга киргунга қадар пиширишда давом этилади. Тайёр бўлганидан сўнг совутишга қўйилади.
4. Навбат крем тайёрлашга: сут идишга қуйилади, устидан шакарнинг ярми ва ванилин солинади. Ўртача оловда қайнатиб олинади.
5. 4 та тухум чақилиб, қолган шакар ва крахмал билан яхшилаб аралаштирилади.
6. Сут қайнаётган вақтда унинг ярми алоҳида идишга олинади. Сўнгра тухумли аралашма солиниб, яхшилаб аралаштирилади. Ҳосил бўлган сутли масса яна аввалги идишга қуйилади. 2 дақиқа мобайнида масса силлиқ ҳолга келгунча аралаштирилади.
7. Тайёр бўлган қандолат креми алоҳида идишга олиниб, совутишга қўйилади.
8. Қаймоқ бироз қуйилтириб олингач, оз-оздан қандолат креми билан аралаштирилади. Қандолат қопчаси ёрдамида профитроллар орасига ҳосил бўлган крем билан безак берилади.
9. Глазур учун қаймоқ ва шоколад эритилади. Қайнаш ҳолатига келганида, яхшилаб аралаштирилади. Сўнгра олов ўчирилиб, апельсин пўсти қўшилади.
10. Профитроллар устига шакар упаси сепилиб, устидан глазур қуйилади ва бодом ёки малина билан безак берилади.