Yupqa va yumshoq xamirdan tayyorlanadigan go‘shtli pitssa-pirog bir zumda dasturxonda paydo bo‘ladi.
- Xamirturushsiz qatlamali xamir – 500 gramm;
- Go‘sht qiymasi – 500 gramm;
- Piyoz – 1 dona;
- Pishloq – 200 gramm;
- Sirka 9 foizli − 100 ml;
- Suv – 100 ml;
- Ketchup – 3 osh qoshiq;
- Tuz va ziravorlar.
Piyoz tozalanib, yarim halqa shaklida to‘g‘raladi. Ustidan sirkali suv quyilib, birozga qoldiriladi.
Qiyma go‘shti tovada qovurib olinadi. Ta’bga ko‘ra tuz, ziravorlar va qalampir ham qo‘shish mumkin.
Piyoz suvdan olib, biroz siqiladi.
Qatlamali xamirdan ikki bo‘lak yoyiladi.
Qandolat qog‘ozi ustiga xamir yoyiladi. Yuzasiga ketchup suriladi va ustidan qiyma solinadi. Go‘sht ustidan tuzlangan piyoz va qirg‘ichdan o‘tkazilgan pishloq sepiladi.
Ustidan ikkinchi qatlamali xamir yopiladi va pastdagi xamir bilan birlashtiriladi.
Pirog taxminan 180 daraja pechda 20 daqiqa davomida pishiriladi.
Tayyor bo‘lgan pitssa-pirog bo‘laklarga bo‘linib, dasturxonga tortiladi. Yoqimli ishtaha!
