Юмшоққина панкейклар оиланинг барча аъзоларига манзур келиши табиий. Айниқса, улар тез фурсатда дастурхонда ҳозир бўлса, нур устига аъло нур.
Керакли маҳсулотлар:
- Ун – 150 грамм;
- Қабартма (разрихлитель) – 7 грамм;
- Сариёғ 82,5 фоизли – 30 грамм;
- Қаймоқ 22 фоизли – 215 грамм;
- Тухум – 1 дона;
- Асал – 35 грамм;
- Ванилин – 4 грамм.
Барча масаллиқлар тайёрлаб олинади.
Бир идишга ун ва қабартма солиб, аралаштирилади. Иккинчисига сариёғ эритилиб, қаймоқ, тухум ва ванилин билан аралаштирилади.
Массалар аралаштирилиб, суюқ хамир ҳолига келтирилади.
Това оловда қиздирилади. Қандолат қопчаси ёрдамида хамирлар 20 миллиметр айлана шаклида товага қуйилади.
Панкейклар юзасида пуфакчалар пайдо бўлиши билан иккинчи тарафга ўгирилиб, 2 дақиқа пиширилади.
Панкейклар тайёр, ёқимли иштаҳа!
Изоҳ (0)