Иссиқ салат, хуштаъм шўрва, қўй гўштидан таом ва «татен» тарти: Беҳидан нималар тайёрлаш мумкин?

Беҳи нафақат мазали мева, балки салат ва овқатлар учун ҳам ўзгача таъм берувчи, витаминларга бой ажойиб маҳсулот ҳисобланади.

Товуқ гўштидан иссиқ салат

Керакли маҳсулотлар:

• Товуқ гўшти – 300 грамм;
• Беҳи – 0,5 дона;
• Салат барги, зираворлар, ўсимлик ёғи, кунжут.

• Соя соуси – 3 ош қошиқ;
• Асал – 1 ош қошиқ;
• Саримсоқ – ½ бўлак;
• Занжабил кукуни – бир чимдим.

1. Товуқ гўштига зираворлар сепилиб, ҳар икки томони қизаргунча товада қовуриб олинади. Сўнгра 180 даражада қизиган печда 7-10 дақиқа давомида пиширилади;
2. Беҳи паррак ҳолида кесилиб, товада икки томони қизаргунча қовурилади;
3. Соус учун маҳсулотлар тайёрланади: идишга асал, соя соуси, занжабил, саримсоқ солиб, юқори оловда пиширилади;
4. Ясси идишга салат барги ёйилади, устидан беҳи, унинг юзасидан товуқ гўшти жойлаштирилади. Соус эса салат устидан қуйилади. Юзага кунжут билан безак берилади;
5. Ёқимли ишатаҳа!

Керакли маҳсулотлар:

• Қўй гўшти – 0,5 килограмм;
• Беҳи – 3 дона;
• Пиёз – 6 дона;
• Помидор – 4 дона;
• Картошка – 4 дона;
• Сабзи – 4 дона;
• Сув – 3 литр;
• Кўкат, зираворлар, туз.

1. Идишга сув қуйилиб, қайнаганидан сўнг гўшт солинади;
2. Қайнаб турган бульонга тозаланган сабзи ва пиёз бутунлигича солинади;
3. Гўшт 1,5-2 соат давомида қайнатилади ва юзасидан кўпиклар тозалаб турилади;
4. Йирик бўлакларга бўлинган картошка, 10 дақиқадан сўнг тўртга бўлинган помидор солинади;
5. 10 дақиқа давомида паст оловда қайнатилади;
6. Беҳи 20 дақиқага совуқ сувга солинади. Тўртбурчак шаклида тўғралиб, ўсимлик ёғида қовурилади. Сўнгра шўрвага солинади. 10 дақиқа давомида пиширилади;
7. Шўрвага зираворлар солинади, қозон қопқоғи 1 дақиқага ёпилиб, олов ўчирилади;
8. Таом косаларга сузилади ва устидан тўғралган кўкатлар сепилиб, дастурхонга тортилади.

Керакли маҳсулотлар:

• Қатламали хамир;
• Беҳи – 3-4 дона;
• Шакар – 100 грамм;
• Музқаймоқ ёки қаймоқ.

• Шакар – 100 грамм;
• Долчин – 1-2 таёқ;
• Сув – 250 мл.

1. Беҳи ювиб, тозаланиб, бўлакларга бўлинади. Шакар сувда қайнатилиб, сироп тайёрланади. Ичига майдаланган беҳи ва долчин солинади. Юмшагунча қайнатилади ва сиропдан алоҳида олинади;
2. Қуруқ товага шакар сепилади ва қизаргунча аралаштирилади. Эриб, карамель ҳолига келганидан сўнг қолипга қуйилади;
3. Карамель устидан беҳилар жойлаштирилади. Қатламали хамир жуда юпқа қилиб ёйилади ва мева устидан ёпилади. Санчқи ёрдамида тешиб, 180-200 даража печга қўйилади;
4. Хамир қизаргунча, тахминан 30 дақиқа пиширилади;
5. Қолип печдан олингач, усти ёпилади. Тарт аста бошқа идишга олинади. Қаймоқ ёки музқаймоқ билан дастурхонга тортилади.

Керакли маҳсулотлар:

• Қўй оёғи – 1 дона;
• Беҳи – 2-3 дона;
• Саримсоқ – 5-6 бўлак;
• Ўсимлик ёғи – 3 ош қошиқ;
• Розмарин – 3-4 япроқ;
• Туз ва зираворлар.

1. Қўй оёғи яхшилаб ювиб, ёғлардан тозаланади;
2. Саримсоқ тозаланиб, майдаланади. Розмарин ҳам майдаланиб, саримсоқ билан аралаштирилади ва ўсимлик ёғига солинади;
3. Қўй оёғига туз ва зираворлар ҳамда саримсоқли аралашма қуйилади. Фольга қоғозига ўралиб, музлаткичга бир кечага қўйилади;
4. Таом тайёрланишдан бир соат аввал гўшт музлаткичдан олинади. Печ 200 даражада қиздирлади;
5. Беҳи юпқа қилиб тўғралади ва гўшт билан биргаликда яна фольгага ўралади;
6. Гўшт 30 дақиқа давомида 200 даражада, сўнгра печ 160 даражага туширилиб, яна 1 соат давомида пиширилади. Печдан олинган гўшт 15-20 дақиқа фольга ичида қолдирилади;
7. Таом қоғоздан чиқарилгач, гўшт бўлакларга бўлинади. Кўкатлар билан безатилиб, дастурхонга тортилади. Ёқимли иштаҳа!