Mazasi og‘izda eriydigan kekslar bolajonlar uchun sevimli bo‘lishi, nonushta va bayram dasturxonini bezashiga shubha yo‘q.

Manniy yormasidan tayyorlanadigan keks

Foto: Marie Claire

Kerakli mahsulotlar:

  • Un — 100 gr
  • Manniy yormasi — 50 gr
  • Razrixlitel — 0, 5 choy qoshiq
  • Shakar kukuni — 60 gr
  • Tuxum — 1 dona
  • O‘simlik yog‘i — 70 gr
  • Sut — 100 ml
  • Murabbo yoki jem

Tayyorlanish jarayoni

  • Barcha quruq mahsulotlarni bir idishga soling.
  • Boshqa bir idishga tuxum, yog‘ va sut qo‘shib aralashtiring.
  • Birinchi va ikkinchi idishdagi mahsulotlarni qo‘shib aralashtiring.
  • Keks pishirishga mo‘ljallangan kichik idishlarga 1 osh qoshiqdan aralashma solib chiqing va ustidan 1 choy qoshiq jem yoki murabbo qo‘shing. Ustidan yana aralashma soling.
  • 25 daqiqa davomida 180 daraja qizigan pechda pishirib oling.

Bodomli keks

Foto: Marie Claire

Kerakli mahsulotlar

  • Tuxum — 6 dona
  • Shakar — 200 gr
  • Sariyog‘ — 200 gr
  • Un — 300 gr
  • Razrixlitel — 1 osh qoshiq
  • Kakao — 4 osh qoshiq (yoki eritilgan shokolad)
  • Apelsinning maydalangan po‘stlog‘i
  • Maydalangan bodom

Tayyorlanish jarayoni

  • 5 ta tuxum oqini sarig‘idan ajrating.
  • Sarig‘ini 5 daqiqa davomida mikserda aralashtiring.
  • Eritilgan sariyog‘ va 1 dona tuxumni qo‘shing.
  • Un, razrixlitel qo‘shib yana 1 daqiqa aralashtiring.
  • Tuxum sarig‘iga bir chimdim tuz soling va ko‘pik hosil bo‘lgunicha yaxshilab aralashtiring.
  • Sariyog‘li aralashmaga tuxum oqini keyin esa bodom qo‘shing.
  • Shokoladni eritib oling.
  • Aralashmani ikkiga ajratib oling, birinchisiga apelsinning maydalangan po‘stlog‘ini, ikkinchisiga esa eritilgan shokoladni qo‘shib aralashtiring.
  • Ikkala aralashmani ham bir vaqtda keks pishiriladigan qolipga soling.
  • 35 daqiqa davomida 180 daraja qizigan pechda pishirib oling, keyin 5 daqiqa yana 150 daraja pechda tursin.

Limonli keks

Foto: Marie Claire

Kerakli mahsulotlar

  • Un — 3 qoshiq
  • Shakar — 7,5 osh qoshiq
  • Razrixlitel — 3-4 choy qoshiq
  • Limonning maydalangan po‘stlog‘i — 1-1,5 qoshiq
  • Tuz — bir chimdim
  • Sut — 1 stakan
  • Tuxum — 2 dona
  • O‘simlik yog‘i — 4,5—5 qoshiq
  • Vanilin

Tayyorlanish jarayoni

  • Un, shakar, razrixlitel va limonning maydalangan po‘stlog‘ini qo‘shib aralashtiring.
  • Boshqa idishga tuxum, sut va yog‘ soling, 0,5 qoshiq vanilin qo‘shing.
  • Ikki aralashmani bir-birga qo‘shing.
  • Qolipga yog‘ surtib, uchdan ikki qismi to‘ladigan qilib aralashma solib chiqing.
  • 200 daraja qizigan pechda 20-25 daqiqa davomida pishirib oling.
  • Ustini shakar kukuni yoki krem bilan bezash mumkin.

Yoqimli ishtaha!