Португалия президенти Марселу Ребелу ди Соза коронавирус инфекциясига топширган тест мусбат натижа кўрсатди, деб ёзади «РБК» президент сайтига таяниб.
Бундан аввал сиёсатчи вирусга ва антитаналарга топширган тестлар манфий натижа берган эди, аммо ПЗР усули орқали навбатдаги текширув Португалия раҳбарининг касаллигини кўрсатди. Бироқ унда ҳеч қандай симптомлар кузатилмаяпти.
Президент ўз-ўзини яккалаш режимига ўтди. Унинг иштирокидаги яқин вақтларга белгиланган тадбирлар бекор қилинди.
Жонс Ҳопкинс университети сўнгги маълумотларига қараганда, Португалияда 489 293 киши коронавирусга чалинган.
Аввалроқ Арманистон президенти Армен Саркисян Лондонда коронавирус билан касаллангани ҳақида хабар берилганди. Кейинроқ президент матбуот хизмати унда касаллик оғир кечаётганини маълум қилди.
Изоҳ (0)