Portugaliyada koronavirus bilan kasallanish holati ortgani sabab aholining mamlakat bo‘ylab harakatlanishi taqiqlandi. Ushbu taqiqqa besh kun davomida amal qilinadi, deb xabar beradi Reuters.
Ma’lum qilinishicha, harakatlanishga qo‘yilgan besh kunlik taqiqni buzganlarni to‘xtatish uchun butun mamlakat bo‘ylab nazorat-o‘tkazish punktlari o‘rnatilgan.
“Portugaliyadagi 300 dan ortiq munitsipalitet orasida harakatlanish 30-oktabrdan 3-noyabrga qadar taqiqlandi. Hukumat shu orqali koronavirusning Avliyolar milliy bayrami vaqtida tarqalish ehtimolligini kamaytirishga urinmoqda”, — deyiladi xabarda.
10 milliondan ortiq aholiga ega bo‘lgan Portugaliyada pandemiya boshlanganidan buyon 137 mingdan ortiq odamda koronavirus aniqlangan va hozirga qadar 2468 kishi COVID-19 qurboniga aylangan. 30-oktabrning o‘zida yana 4656 kishida virus aniqlangan bo‘lib, bu mamlakat uchun kunlik rekord ko‘rsatkich hisoblanadi.
Avvalroq Norvegiya, Fransiya va Ukrainada karantin choralari kuchaytirilgani to‘g‘risida xabar berilgandi. Mavzuga doir:
